تركي بن حميــــــد

[الخليفي]

تلعب طرب

تلعب طرب وأنا بنومي هواجيس
ماسامرك بالليل كثر الهمومي
أسهر إلى نامت عيون الهداريس
بالليل أساهر ساهرات النجومي
أونس بقلبي مثل صلي المحاميس
الله يلوم اللي لحالي يلومي
قالو جهلت وقلت جهل بلاقيس
الجاهل أللي ما يعرف اليمومي
أشوف عدلات اليالي معابيس
ولأحد من الدنيا عظتمه سلومي
ما ينيني بنيان من غير تاسيس
ومن لا تعلم ما تثيب العلومي
ولاخير في كثر الحكاو التماليس
وقول بلافعل يجيبه وهومي
واليا ركبت إمعالجات المضاريس
يبرد على كبدي لهيب السمومي
بالليل أصالي حاميات المحاميس
والصبح أصالي كل قباوكومي
وأقفن بنا مثل النعام المماريس
إلى هف عجل مع رفيع الحزمي
نستلحق اللي يطلبون النواميس
اللي من الاقصين وأدنا اللحومي
ولومي على أللي ينقلون العبابيس
أهل الفرنج وكل رامي لحومي
وشلفت تركب بالرماح الأناسيس
وسلت المهار وكل قبا قحومي
والعز فوق معسكرات السواديس
إلى قصدت اللي بالاشيا رحومي
قب تنازا بالنشاما كراديس
والطير في روجاتهنه يحومي
إن جن بالميدان مثل الدواويس
وتعاقبوا من فوقهن السهومي
عرج بهلهن كنهن القرانيس
على الطريح مصوبرات كضومي
حتى يزن إلنا المثل والتوانيس
والكيف طاب لمن يفك القحومي
ومن لا يقلط شذرة السف والكيس
يصبح عليه من اليالي ثلومي
ومن لا يدوس الراي من قبل لاديس
عليه دا سوه العيال القرومي
ومن لااخذ الدنيا بميز وتقييس
مثل الذي يسبح ببحر يعومي
كل القلم من كتبنا بالقراطيس
وركبنا من كثر الادلاج تومي
وشيخ لنا يعطي الفقارى المفاليس
عساه بالدنيا بعز يدومي
حر ليا دبت عليه النواميس
إليا اعترض جول الحباري صرومي
اليا اكترب من بعض الأشياء سبابيس
أعزم ولا بد الفرج للعزومي
ثوب الفرح لبسك نظيف الملابيس
إن قيل بابام الكرب والزحومي
واعمل وتلقا وفهم العلم بالقيس
دنياك لو زانت تراها نقومي
تضحك وتخفي لك خفي الهناديس
تفطر لنا يوم ويوم تصومي
أربع اسنين ودمع عيني أماريس
العين تسهر كن فيها الهزمي
يجلى صدا قلبي ضبيح المهاريس
لاجاك شراب الحشايش يعومي
ودلال فوق النار دايم محابيس
إكرامهن دايم علينا لزومي

[& قلب عتيبة &]

[poet font="Simplified Arabic,4,white,normal,normal" bkcolor="black" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
تركي بن حميد
نومك طرب وانا بنومي هواجيس = مـا ساهرك بالليل كثر الهومي
أسهر اليا نامت عيون الهداريس = بالليل اساهر ساريات النجومي
أونس بقلبي مثل صلـي المحاميس = الله يلـوم اللـي لحالي يلومي
قالوا جهلت وقلت جهلٍ بلا قيس = الجاهل اللي ما يعرف اليمومي
أشوف عدلات الليالي معابـيس = ولا احدٍ من الدنيا عظامه سلوم ِ
البني ما يصلح على غير تأسيـس = ومـن لا تعلّم مـا تسر العلومِ
ولا خير في كثر الحكي والتماليس = وقـولٍ بلا فعـلٍ يـجيبه وهومِ
واليا ركبت معالجات المضاريـس = يـبدا على كبدي لهيب السمـومِ
بالليل أصالي حاميـات المحاميس = والصبح أصالـي كل قبّا وكومي
واقفن بـنا مثـل النعام المماريس = ليا خـف عجلٍ مع رفيع الحزومِ
نستلحق اللي يطلبون النواميـس = اللي مـع الاقصين وادنـا اللحوم ِ
ولومي على اللي ينقلون العبابـيس = صنع الفرنج وكـل رامي لحـوم ِ
وشلف ٍ تركّب بالرماح المناسـيس = وسلت المهار وكل قـبّا قحومي
والعز فـوق معسكرات السواديس = اليا قصـدت اللي بالاشيا رحوم ِ
قب ٍ تـنازا بالنشامـا كراديـس = والطيـر فـي روجاتهنـّه يحوم ِ
إن جـن بالميدان مثـل الدواويس = وتعـاقبـوا من فوقهـن السهوم ِ
عـرج باهلهـن كنهنّ القرانيس = علـى الطريح مصوبـرات ٍ كظوم ِ
حتـى يزيـن لنا المثل والتوانيس = والكيف طاب لمن يفـكّ القحوم ِ
ومن لا يقلّط شذرة السيف والكيس = يصبـح عليه مـن الليالي ثلـوم ِ
ومن لا خذا الدنيا بـميز ٍ وتقييس = مثـل الذي يسبـح بـبحر ٍ يعوم ِ
كـلّ القلم مـن كتبنا بالقراطيس = والخـيل مـن كثـر الدلاليج تومي
وشيـخ ٍ لنا يعطـى الفقارا المفاليس = عسـاه بالـدنـيا بعـز ٍ يـدوم ِ
حـر ٍ ليا دبّـت عليـه النواميـس = اليا اعتـرض جـول الحباري صروم ِ
اليا اكترب من بعض الاشيا سبابيس = أعــزم ولا بـد الفـرج للعـزوم ِ
ثـوب الفرح لبسك نظيف الملابيس = إن قـيـل بايـام الكرب والـزحوم ِ
واعمـل وتلقا وافهم العلـم بالقيس = ودنـياك لـو زانـت تراهـا نقـوم ِ
تضحك وتـخفي لك خفي الهناديس = تـفطـر لنا يـوم ٍ ويـوم ٍ تصـوم ِ
أربـع سنيـن ودمع عينـي أماريس = العيـن تسهـر كـن فيهـا هـزوم ِ
يـجلي صدا قلبـي ضبيح المهاريس = ليا جـاك شـرّاب الحشايـش يعـوم ِ
ودلال فـوق النار دايـم مـحابيس = إكـرامهـن حـق ٍ عليـنـا لـزوم ِ
مـن صنعة الصبّـة وخمس ٍ تخاميس = وبـريّـة ٍ تعمـل بـهن كـل يـوم ِ
وابـهارهـا عشـر ٍ بلـيـا دنافيس = كيـف ٍ يعـدّا للنـشـامـا القروم ِ
عـدّه لحمـّاي الجـيـاد المراويـس = والا الحصان اللـي بـقيـنه وهـوم ِ
وصلـوا علـى سيـد البـرية بتدريس = صفـوة قريـش اللـي مشى باليموم ِ
عـدّ النبـات وعـّد ذاري الطعاميس = واعـداد مـا يـمطر سحاب الغيـوم ِ

[/poet]

[& قلب عتيبة &]

كذا ازين.

[الخليفي]

الله يعطيك العافيه أخوي قلب عتيبه

[ابن ملفي العتيبي]

الله يرحمه ويسكنه فسيح جناته


ولاهنت على النقل

[اسامه بن زيد]

متئ توفي تركي بن حميد ويقولون مذبوح في معركه مع قبيله مطير اسمه صنهات ابن حريش هل هذا صحيح افيدونا الله لايهينكم