أبا بهر الدله وأبا أقدم الكيف * وأبا صبها للي يقدر غالاها

[الناضم]

الــنـــــــــــــــــــــــــــــــــــــاضــــــ ـــم
هلا مرحبا والطيب مافيه تزييف * ويالله تحقق للعرب مبتغاها
أبا بهر الدله وأبا أقدم الكيف * وأبا صبها للي يقدر غالاها

الـــــدجـــــيــــمــــــــــــــــــــــــــــــ ــاء
يدوم البقاء لكن نحتاج تعريف * بتفكيرك وبافكارك اللي حواها
ليا صرت مانته يالعتيبي بكيّيّف * فناجيلك اللي قِدِّمَـت مانباهـا

الــنـــــــــــــــــــــــــــــــــــــاضــــــ ـــم
أنا معطي الطلاب درس وتصانيف*دروسي تعلم كل طالب قراها
ولن كان ماتبغى من الكيف ياضيف * ماني جابرك والناس صعبن رضاها

الـــــدجـــــيــــمــــــــــــــــــــــــــــــ ــاء
عسا اللي تقوله صح مافيه تحريف * قبل لاتثـوّر بندقـك فـي خباهـا
نشوف السحابه لكن الوبل ماشيف * متى تمطر ونحتاط من سيل ماهـا

الــنـــــــــــــــــــــــــــــــــــــاضــــــ ـــم
ترى كلمتي لك كنها لمعة السيف * ولا عندنا للكذب كلمة عساها
أنا هقوتي ياصاحبي منت بضعيف * لاتستعجل الدنيا مايلحق مداها

الـــــدجـــــيــــمــــــــــــــــــــــــــــــ ــاء
ترا لمعته ماتنفعك كيف ياحيـف * ليا كبرت الهيـه ودارت رحاهـا
ترا العالم اللي دون سن التكاليف * ليا اخطوا خطا فادح دمحنا خطاها

الــنـــــــــــــــــــــــــــــــــــــاضــــــ ـــم
عسى ماتجرب سلته , ياهو مخييف * يرد العدى من هيبته عن عداها
طلعنا على روس الجبال المشاريف * ولاشفت بعض الناس مدري وراها

الـــــدجـــــيــــمــــــــــــــــــــــــــــــ ــاء
قديمه ياهالناضم تـرا منـت حريـف * تبى تغش عالم منـت فـي مستواهـا
جفيره ترا اولابه ,, عن الكذب والزيف * تمـوت المهبّـل ماتخـلـي غبـاهـا

الــنـــــــــــــــــــــــــــــــــــــاضــــــ ـــم
أنا أهرج على نية ومابة مضاريف * عسى نية المخطي يحصًل غثاها
لامني بغيت التمر يحداني الشيف * وأشوف العرب للطيب تقصر خطاها