مرجح الميزان
سلام رديه غلاها فالبلد مثل الجنيه = إلياا بلاه الله وحول وسط جيب الحضرمي !!
ياا معجب الروقي ما دام إنك ولد قوم ونبيه = وش رايك الليله تسمع للحقيقه من فمي
معجب العتيبي
يامرحبا ترحيب وبلٍ لاح برقه نحتريه=بالشاعر اللي مالقيناله حلي ولا سمي
هات الكلام اللي على قلبك وهاك اللي تبيه=واحذر ليامنك رميت يزم الاهداف الرمي
مرجح الميزان
دام البقاا ياللي تخيل البرق يالعقل الوجيه = مسلم يسلم ! والمرحب عزه الله مسلمي
هرش الوطن عقب الهدير وعقب حملٍ محتميه= يرثع مع الطرقه وبين فيه قصر المنسمي
معجب العتيبي
يامرجح الميزان ميزان العدل كلٍ رضيه=خلك على عدلك ولاتنظر بعينك للعمي
اللي على وضح النقا ممشاه لاتحتار فيه=خوفك من اللي فالضبابيه حياته تظلمي
مرجح الميزان
تبغا الكلام اللي جوابه لو يطول الوقت : إيه = أنته على ساق قدمك وأناا على ساق قدمي
إلياا بقا وإليا رحل ثنتينهاا لا فض فيه ..!! = مار البليه فالشداد إلياا طمع به مكرمي
معجب العتيبي
المدح بين الناس ماحدٍ ياعميلي يشتريه=يحتاجله فعلٍ يبين بمال والا محزمي
السالفه ياصاحبي ماهي كذا طمعة سفيه=من دونها وقفة شجيعٍ للمواقف يحتمي
مرجح الميزان
اللي جهل بالحر قالوا يالعتيبي : يشتويه =لو هو من الأشراف عده من عيال المنعمي
ياا خيرة الله لو يساد الشيخ ويسود الكريه = ويصير قبر الشيخ في وسط الجزيره معلمي
معجب العتيبي
اللي جهل في واجبه تكفين يابقعا خذيه=قدام لاياقف مع العراف ماقف يندمي
اليا انتهى وقت الشريف يمر وقت اللي يليه=وايامنا تمضي وعقد يحل واخر يبرمي