عبدالمجيد العطاوي
على الله ياليلٍ ثنى رجل ساريه=ولو طال طالت فيه كل الدعاوي
على راس مشرفنا القديم المشاريه=ولو النسب يرجع لصلب العطاوي
معجب العتيبي
على الله ياليلٍ بدتبه دعاويه=ولن طال بالمعنى يجيه الغناوي
ياعبد المجيد احذر من الزيغ والتيه=ترا للجسد من كل عله مداوي
عبدالمجيد العطاوي
عساني لياجبته تقوم وتغنّيه=وخلّ الكرامة بيننا ( عود جاوي )
مع ايمنك جنيٍ جنونه تباريه=ومع ايسرك غشاشٍ حلاله رشاوي
معجب العتيبي
زمان العجب ياولّ ماكثر بلاويه=جمع في مجال الشعر شاعر وغاوي
يقولون علم الغيب تصعب مواريه=ياعبدالمجيد اقول ويش انت ناوي
عبدالمجيد العطاوي
وانا اشوف فيه القرد صومع بأذانيه=وسود الليالي لقّحٍ بالبلاوي
ما دامن علم الغيب محدٍ نبغ فيه=لاتخلف نصيبك مخلفات الهقاوي
معجب العتيبي
ليا شفت مبلي قلت ربي يعافيه=ترا الطيب ماجا للبشر بالمناوي
ردي العزوم ابعد ولا امشي مماشيه=واضنك على دربي تجر الخطاوي
عبدالمجيد العطاوي
على الطيب يامعجب وذكره وطاريه=( الا ليت لي عدٍّ مجمّه رهاوي )
تقول العرب : خبلٍ ينفّخ علابيه=قدر راسه وماطاه صار امتساوي
معجب العتيبي
تسميه يارجال والا نسميه=ما اضنه يجي يافلان حول الحراوي
لكن اتركه وابعد وجنب مساويه=لاتكثر عليه من النشد والشكاوي
« آخـــر الـــمـــشـــاركــــات »
16-May-2009, 11:06 AM
العرض العادي
