ناصر المرشدي
لامرحبا ولا سلام ولاهلا=واللي يدل الدرب لايمكن يضيع
يامعجب بن سعود ياكاف البلاء=انا صدمت حمار فالخط السريع
معجب العتيبي
الاوله ماهي كما الاخرى ولا=يمكن نوفقهن يابو تركي جميع
وش فيك تسرع..؟ تحسب انك في خلا=والا تضن حمار بالبوري يطيع
ناصر المرشدي
اما بعرف ومعرفه والا فلا=والله ماقدم طعامِ من ضريع
حمار يمشي واخذ الدعوى حلا=مايدري ان الخط ماينبت ربيع
معجب العتيبي
يشد حيله من يفكر فالعلا=ويريّح ويرتاح ابو قلبٍ طبيع
مسكين ويدور يابو تركي كلا=والله عطاك القلب والصدر الوسيع
ناصر المرشدي
النور غطاء الليل والليل انجلا=وان كان ماطاعك زمانك لاتطيع
ونهاية الموضوع كله من الى=كلمة ثناء للواحد الفرد السميع
معجب العتيبي
خلاص بان الحق قدام الملا=وانتشرت اخبار الحدث مع كل ريع
لاهل النفوس الطيبه حب وغلا=واهل النفوس الضيقه بغضٍ فضيع
« آخـــر الـــمـــشـــاركــــات »
14-Mar-2010, 01:19 PM
العرض المتطور
