فتــل ونقـــض

[البحر المتوسط]

بسم الله الرحمن الرحيم

هذه بعض الأبيات من عدة محاورات متنوعة للشعراء الكبار , وقد تميزت بإجادة الفتل والنقض :

الجبرتي (رحمه الله) :
ياصياف أنت ياليتك تدرج حبك المنثور ..... لكن أنته يديك العوج مدري وين توزيها

صياف (رحمه الله) :
يديني يالجبرتي ماتداني لمسة العصفور ..... ويمناك الكريمه بحر جده مايوضيها


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ


فيصل الرياحي (رحمه الله) :
زمان العام مانت بشين صوفك مثل صوف الشاه .... وذا الحينه لا صوف ولا هدب هات الذهب هاته

مستور :
زمان العام بركتك وسكيني على المذكاه ..... ياعقرب لا ترزين الذنب هات الذهب هاته


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ


فيصل الرياحي (رحمه الله) :
حنا بنينا قصرنا سواة بيضان الوجيه ..... وانته تضايق من ثيابك لو يمس زرارها

مطلق الثبيتي (رحمه الله) :
اللي بناله قصر يشريله سلاح ويحتميه ..... ماهو براعي حلّة" ماضيّفت خطارها


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ

ومن شعراء الحاضر :

إبراهيم الشيخي :
ياراشد الحربي عليك ملاحظه والله يعين ...... غيّبت شمس" كان واجبها تغيب لحالها

راشد :
أنا عي ملاحظه وانته ملاحظ مرتين ...... ماهي غريبه ترجع الكلمه على من قالها .


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ

أتمنى من الأخوان المشاركة بما لديهم .

[الجوراسي]

مشاركة قيمه

اعجبني

فيصل الرياحي (رحمه الله) :
زمان العام مانت بشين صوفك مثل صوف الشاه .... وذا الحينه لا صوف ولا هدب هات الذهب هاته

مستور :
زمان العام بركتك وسكيني على المذكاه ..... ياعقرب لا ترزين الذنب هات الذهب هاته

[فهد الشهيب الثبيتي]

(فتل ) فيصل الرياحي

ياابو فيصل مانباها من النقل الخفيف=تفرق الاسواق بجنيهها وريالها

(نقض )مطلق الثبيتي

الثقيلة ماتحمـّل على ظهر الضعيف=ما افرح الا يوم جت للحمول جمالها

(فتل) صياف الحربي1

اشوف مطلق على الكرسي وكنه مدير=ياكبر ماسة ثبيت وكثر كتابها

(نقض) مطلق الثبيتي1

ماهي غريبة عليه لو اوظف وزير=ماني كما راعي المعزا وجلابها

(فتل) صياف الحربي 2

ماهي غريبة لكنك ماتبالك خشير=اليا دخلت البيوت تقفل ابوابها

(نقض) مطلق الثبيتي2

بعص العرب لو تخاوا روسها تستدير=وتطيح مابين منبرها ومحرابها

(فتل) حبيب العازمي

العين حمرا على مطلق ومستور=والقلب من عصر يطري له طواري

(نقض) مطلق الثبيتي

العين حمرا لكن الذيب مخبور=مايسري الا مع الليل الغداري

التوقيع

برقا وروق أبنا ثبيت الاصيلين=ومن ثبت اصله شرفه واعتزابه

[علي الشهراني]

موضوع اكثر من رائع



مشكوووووووورين

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[شمروخ ابن عايد]

مستور :
زمان العام بركتك وسكيني على المذكاه ..... ياعقرب لا ترزين الذنب هات الذهب هاته




ياسلام على هذا الرد من مستور .

[البحر المتوسط]

أشكر جميع الأخوان على مشاركاتهم .



احب أضيف ما يلي /

فتل من مستور :
من قشر حظك يالحريبي ماتشوف ألاّ بعين .... والعين الأخرى من زمان" فات معمي نونها

نقض من صياف رحمه الله :
عيني لها نظره ونظرتها مشيّبة الجنين ..... وانته عيونك لوّ ترفعها تطيح جفونها

_________________________________________________

فتل من مستور :
أثرك عيّه صحيح تخمّ الاعلام خمّ ..... خابرك في قاسي الدنيا وفي لينها

نقض من فيصل الرياحي رحمه الله :
عيّه ولا اريد من شرواك حبّة خشم .... لين أن لبنان ترجع مع فلسطينها

_________________________________________________

فتل من مطلق الثبيتي رحمه الله :
الحريبي ينفض اللحيه ويطوي في معمّه .... راغ قلبه من شليويح المطيري والزلامي

نقض من صياف رحمه الله :
الحريبي يوم غنّا حطكم في راس كمّه .... ثمّ خلاكم عجينه كن مافيكم عظامي

فتل من الثبيتي رحمه الله :
والبعير اللي يشيل الحمل عوّد يرضع أمّه .... بعد قالوا شامخ النيبان مردوم السنامي

نقض من صياف رحمه الله :
الجمل يمشي على الدرب وكلامك مايهمّه .... من هديره قمت من نومك وحرّمت المنامي

________________________________________________

فتل من مطلق الثبيتي رحمه الله :
شليويح المطيري يوم شفته غرني زوله .... واثره الشجره اللي عرقها سابح مع الوادي

نقض من شليويح المطيري :
شليويح المطيري ماشي" بالدرب بنعوله .... ولا حط القدم حافي لعل الدرب ينقادي

________________________________________________

فتل من السواط :
سلام الله عليكم من هجوس" عرفها يزتداد .... (وانا الليله معي رمح ومعي حربه وجنبيّه)

نقض من مستور :
هلا يامرحبابك يامسلّم والسيوف حداد .... (عسى سيفك وجنبيّتك في علباك مثنيّه)

_______________________________________________

فتل من مستور :
ابن جرشان جمّعكم سواة مجمّع المقضاه .... أحد من شعب واحد" من حدب هات الذهب هاته

نقض من فيصل الرياحي رحمه الله :
تجمّعنا وحديناك يالضامي على المضماه .... ماتسوى نصّه وريّة عنب هات الذهب هاته

[سيف الجعدة]

لاهنت على النقل وبيض الله وجهك

[لماح]

سلطان الهاجري :

الليل يا مستور ما دون الحلوق إلا اليدين = لولاك ما طلعت سكيني ولا حديتها


مستور :

سكينك اللي قلتها دور لها كبش سمين = يا ليتها تشبعك من ذيل الطلي يا ليتها


.................................................. .....................................

مستور :

الليل ما فيه ضحكة سن ومجامل

تبى تطير الطيور وتالد الحامل

الليل يا مطير ماني عندكم عامل

والله يرحم فهد ويعز عبد الله



عبد الله الميزاني :

الحاملة ما تروح إلا مولدها

وانت ولدها ووالدها مولدها

ان جيت مع رجلها وان جيت مع يدها

والله يرحم فهد ...


.................................................. .....................................


طيب ابن عدوان :

علامك يالمطيري يوم تسرق ناقـة العتبـان
تقسمتوا شحمها واصبحت عكتـك ماليهـا
يقولون العرب طيب وراك تساعف السرقان
ذبحت الناقة اللي في الحمى والحكم حاميها

فرد عليه ابن نفيع

تبي تلعب بغطاس البحر ياطيب بن عدوان
تبين خلتي وانتـه فعـول العـام ناسيهـا
رزقك الله بصفراء تمترح عندك بغير عنان
غزيت الفلوه اللي في القسا واللين تعطيها

فقال ابن عدوان

علامك يوم تدهاني وأنا صافي مـع العربـان
وأنا رجلي على وضح النقاء ما خطت مواطيها

فرد هذال

تصافق بك هبايب نجد وأنت تطرد الغزلان
قضبت الصيده اللي جودت رجلك بياديهـا






.................................................. .....................................



صياف :

اليا قرينا الفاتحة واجب عليك تقـول آميـن
مافيه أشر من الحلوب اليا انكفـى محلابهـا



رشيد الزلامي :


صياف يقرأ الفاتحة سبحـان رب العالميـن !؟
لكـن ماوفـق علـى القبـلـة ولا صلابـهـا




.................................................. .....................................


حامد الهذلي :


ياعسى ماباس ياصيـاف وش غيبـك مـدة
لك زمن غايب ولاتدرج برجلك فـي تهامـة

كيف ترقد يالسحيمي والحنش تحت المخـدة
من يشوفك قال ياصياف ماتبغـى السلامـة


صـــــــــيــــــــــاف :


غبت خمس سنين أجهز وأشتري للحرب عدة
جيت من حول الكويت وجيت من عند المنامة


والحنش ماهو لحاله بطرفـه خالـه وجـدة
انتبه له لايقابـل حـرب وتصيـدة رخامـة



.................................................. .....................................



صياف :

البندق اخذوها الجماعه مامعك غير الحزام=بعض الجماعه باخر الفزعه تبيح سدودها

الزلامي :

البندقه والسيف معيه واتجه قبله وشام=يومن نارك يالحريبي مايدخن عودها

صياف :

حنا نصلي بالحرم وانته تصلي بالخيام=اثر مايعبث فوق خلق الله ياغير قرودها

الزلامي :

انته تصلي لك صلاتن لاحلال ولاحرام=ينغزك اخوك بليس بين ركوعها وسجودها

صياف :

امرح بجنب الضلع مالك لاشراب ولاطعام=ياعابد الاصنام حرب تصلي لمعبودها

الزلامي :

ان صرت ساكت قالو الاجواد وش هذا الغلام=وان قلت كلمه ماتعين خير من مردودها




.................................................. .....................................


حبيب العازمي :

جوكم ثنين اخوان مسترين من حد السراه = ولا انت خلك عبدلي ثم زيد خله عبد لي


عبد الله الميزاني :

سميت زيد العبدلي يالعازمي وانته كماه = والليله الظميان يشرب من تحت نضح الدلي


.................................................. .....................................


الجبرتي :

يا صاحبي مستور من تحت السما فوق السحاب = ما تعرف الحرمه من الرجال غير بحسها


مستور :

ان كانها صعبه عليك الرب حلال الصعاب = ادخل يمينك مع مخيط البنطلون وعسها







لـمـاح

[البحر المتوسط]

سيف الجعده


الله لا يهينك ووجهك أبيض



شكرا" على مرورك

[البحر المتوسط]

لماح



ماقصرت الله يعطيك العافيه



اضحكني الزلامي يوم يقول (صياف يقرا الفاتحه سبحان رب العالمين!!!) .


هذا الشاعر العلم (رشيد الزلامي) جمع مع النكته مع الجزاله


مثل يوم يقول :

زهقان من وجه السواط ان كان عني ماشرد ..... أبتحمّل ذنب ورعانه واسمّي واذبحه