الشهراني=
سلام الله عليكم يا هل الحله و كيف الحـال=و اخص المستشاار بدعوتي لا قلت يا حيه
بني عاوز و ابو مزيد و ابو هنّود و البنقال=كلونا و احرمونا لـذة العيـش السعوديـه
علي العضياني=
هلا يا مرحبا و الحال طيب يا وسيـع البـال=تراحيبٍ من التقدير مربوعـه و مثنيّـه !!!
عسى ينظر لهذا العلم ريّس مكتـب العمّـا=نبا نرسل على المكتب نهار السبت برقيّه !!!
الشهراني=
يدوم الك البقا و الشك زايل و الغلا ما زال=هواجيس الشعور اللي على التقدير مبنيّـه
ترا بينك و بين السبت خمس ايام يا رجال=يجوز المشكله تكبر و تاكل ذي مـع ذيـه
علي العضياني=
عليك المشلح و راسك عليك عمامةٍ و عقـال=و لا تحت العمامه يا صبي شهـران طاقيّـه
يا شهراني ترى قدمك مسافه و الدروب طوال=و ترى اللـي راح منهـا يعتـر 20 بالميّـه
الشهراني=
يجوز امسك بها الدله و اصك بعينك الفنجال=و اعلّمك الخبر و الفرق بين الشمس و الفيه
تقوله وانت خابر من هو النصّاب و المحتال=بعد كانت جنوبيـه غـدت ذا العـام نجديـه
علي العضياني=
ترى كلمتك هذي ما لها قيمه و لا منـزال=يا طيبك يا علي طيباه فالحـرب الكلاميـه
ترى هيباتنا دون الحلال و دون راس المال=ما هيب الله يبارك فيـك لعبـه للحراميّـه
الشهراني=
سبيس ستون مطلب عالمي للعالم الاطفـال=على شان المرح و التسليه حاجه اساسيـه
ما دامك تعرف الابطال لا تسرق نبا الابطال=ترى هيبتك في عزوتـك لونْهـا جنوبيـه
علي العضياني=
ترى الرجال صادق يا رياجيل و مثل ما قال=يبا ضابط بعد كمّـل صفـوف الإبتدائيـه
يا طيبك لو تعرف العلم ما مثلك و لا رجّال=جنوبي محترم لكنّ فيـك العجلـه شويّـه
الشهراني=
الا يا الله يا عالم خفا مخفيّـة الاحـوال=تطوّل عمر بو فيصل وترحم فيصل العيه
رجاجيلٍ على المجهول ذا ناقض و ذا فتال=وكالة شعر تغني عن تشاليح الصناعيـه
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
09-Mar-2010, 09:32 PM
العرض العادي
