%%% هلا يا مرحبا ترحيبة العتبان بالمطران %%%

[عطاوي]

علي فلاح

	هلا يا مرحبا ترحيبـة العتبـان بالمطـران ليا حان الوعد و النار حيّه و اسر يا ساري إبن صبحي يمرّ و لا يجي في ساحة الميدان مطيري بسّ ما عنده حميّه و اسر يا ساري

بن صبحي

	بقيت ودمة يانور الوجيه ومخزي الشيطان عدو التفرقه والعنصريه واسر ياسـاري انا وشلون اشوفك يالعضياني من الدخان عتيبي بس بثبات وهويه واسر ياسـاري

علي فلاح

	بعد حكم الشريعه صرت ما تجفل من السرحان لا مرّك و انت في ريع الثنيّه و اسر يا ساري سعاطير الشجاعه في دماغ معـرّب الجـدّان يبا يرويك من حوض المنبّه و اسر يا ساري

بن صبحي

	اسمي و اتواضع لا ذكرت النمل واسليمـان لجل شحذ الهمم والمعنويه واسـر ياسـاري بعد بان الصدى في سيفكم عمهوج يالعضيان يبين الوسم في خد المطيه واسـر ياسـاري

علي فلاح

	لو إنّك تذكر اللي صار لك فالحفر مع مرّان خطير إنّك تدنّ الهاشميه و اسر يا ساري ترى عمهوج فعله فالمواقف نومس العتبان و مقلعكم مثل مقلع طميّه و اسر يا ساري

بن صبحي

	شهر صوت الموذن وارتفع في اطهر الاوطان وغراب البين ينعق فالحويه واسـر ياسـاري ترى الذره خفيفه مالها قيمه علـى الميـزان يا خفك لا فقدت الجاذبيه واسر يـا سـاري