طاروق خااااااص مع الشاعر ابن سرحان الثبيتي

[خالد الثبيتي]

بعد ما جينا محل اللي علـى العليـا معـدّييا سلام الله على اللي حاضر لموقع عتيبه

سيفي اللي في يميني ما شريته لابن جدّيكان ما سليت سيفي للمعادي ويـش ابيبـه

موعدنا الليلة الساعه التاسعة ان شاء الله

[فايز بن سرحان الثبيتي]

والله انـك لـو تبرمجهـا علانـا ماتـعـديمرحبا بك ياولد منور وجيب اللي تجيبـه

لن غلبني صاحبي عند العدا ماباح سديوان غلبته ماعتبرها في ولد عمي غليبه

نلتقي على خير "

التوقيع

إذا شئت أن تحيـا سليمـا مـن الأذىوحـظـك مـوفـور وعـرضـك صـيـن لسانـك لا تذكـر بـه عـورة امــرىءفكـلـك عــورات وللـنـاس الـســن وعيـنـك إن أبـــدت إلـيــك معـايـبـافصنهاوقـل يـا عيـن للنـاس أعـيـن وعاشر بمعروف وسامح من اعتدىوفـارق ولكـن بالتـى هــى أحـسـن

[راعي المكس]

بانتظار الساعة التاسعة

الله يقويكم

[خالد الثبيتي]

البقاء ياللـي ترحـب لـو مـا فيهـا تحـديجيت ابقطع حبلها قدام لا تصبـح مصيبـه

والله انك فالمواقف يالثبيتي مـا تسـدّيالخصيم اللي رمانا وانت ترمي ما تصيبه

[سعد حميد الثبيتي]

ابيض وجه يابن منور وبدايه ممتازه وبدعه جزله من شاعر جزل ولاهان ابن سرحان واصلوا الابداع لاهنتم


وهذا الشعر الذي يستحق المتابعه

[فايز بن سرحان الثبيتي]

ان لبست الثوب قدام العرب ماهـو بقـديوان رميته جاله اللـي يلبسـه وايـزر جيبـه

مارمـاك الا يـداك اللـي نظـرهـا مايـقـديوان لطمنا عينها تحسب على مثلي ضريبه

[خالد الثبيتي]

المعذره على التأخير : كنت خارج للصلاة

يا صحيبـي لا تـروح بعيـد خلـك دون حـدّيجر فكرك لا تجر الصـوت والهـرج تحكيبـه

ابن عمي لو يقول اللـي يقولـه مـا يَضـدّيوانت تاقف مع عدوه ما تناظر في صحيبه

[نمرً المقآطي ] ’]

ابن منور ! ، ابدعت وصح لسآنك /~

ابن سرحآن ، مآقصرت وصح لسآنك ..



متآبع / ..

[خالد الثبيتي]

ابيض وجه يابن منور وبدايه ممتازه وبدعه جزله من شاعر جزل ولاهان ابن سرحان واصلوا الابداع لاهنتم


وهذا الشعر الذي يستحق المتابعه

صح بدنك .. ومتابعتك شرف لي

اشكرك على الحضور الرائع

ابن منور ! ، ابدعت وصح لسآنك /~

ابن سرحآن ، مآقصرت وصح لسآنك ..



متآبع / ..

صح بدنك

مشكور على المتابعه




اشكر كل الاخوان اللي مروا من هنا و تابعونا

[فايز بن سرحان الثبيتي]

ودنـا نرضيـك ميـر الوضـع كلـه فـي تــرديوودنا نرفع عمود البيت وانت اتقول سيبه !!

الـكـلام الـلـي تقـولـه لا يجـيـب ولا يـــودينعرف افعول الرجال اللـي مواقفهـا رهيبـه