ـــ( دانة العز )ــــ

[عبدالله مقبل العصيمي]

أحبابي أعضاء ومشرفين وزوار منتديات عتيبة الهيلا


أسعد الله جميع أوقاتكم بكل خير


وكل عام وأنتم بخير وعافيه



جديده للتواصل مع قلوبكم ،،



أتمنى لها القبول ..

انا ليا ضاق بالي ما تضيق الدروب= نفسي تروم العلا وفجوج ربي وساع
ماني على رفقة النذل البخيل مغصوب=مادام غيره بشر والارض فيها اتساع
خله يروّح يوجه شام والا جنوب=مالدت العين مع دربه نهار الوداع
أستغفرالله عن تبع المقفي وأتوب =وأعوذ بالله من رفقة خبيث الطباع
مادام رزقي وعمري في الحياة محسوب = ليه اتعب النفس وأرخصها وهي ماتباع
يوم أن غيري يحث خطاه في كل صوب= كرامته في يده ويبيعها لو بصاع
يرخص ثمنها ولا يحسب حساب العيوب=يرميبها في متاهات الخنا والضياع
أقرب للأسفاف من زلة لسان الكذوب= وأبعد عن الطيب من حاجة بطون الجياع
يا شجرة العز ماعزك نسيم الهبوب=سحابة الوجه ماتمطر على كل قاع
والله لو رأس مالي ما يجيني بثوب =ماهين نفسي ولا ركب لوجهي قناع
غنات الأرقام ما تغني فقارا القلوب=والفقر ماهوب عيره للكريم الشجاع
لا صار عرضك نزيه ولا اقترفت الذنوب= ربحان لو عشت في الدنيا بليا متاع

وسلامتكم ........