انا ليا ضاق بالي ما تضيق الدروب= نفسي تروم العلا وفجوج ربي وساع
ماني على رفقة النذل البخيل مغصوب=مادام غيره بشر والارض فيها اتساع
خله يروّح يوجه شام والا جنوب=مالدت العين مع دربه نهار الوداع
أستغفرالله عن تبع المقفي وأتوب =وأعوذ بالله من رفقة خبيث الطباع
مادام رزقي وعمري في الحياة محسوب = ليه اتعب النفس وأرخصها وهي ماتباع
يوم أن غيري يحث خطاه في كل صوب= كرامته في يده ويبيعها لو بصاع
يرخص ثمنها ولا يحسب حساب العيوب=يرميبها في متاهات الخنا والضياع
أقرب للأسفاف من زلة لسان الكذوب= وأبعد عن الطيب من حاجة بطون الجياع
يا شجرة العز ماعزك نسيم الهبوب=سحابة الوجه ماتمطر على كل قاع
والله لو رأس مالي ما يجيني بثوب =ماهين نفسي ولا ركب لوجهي قناع
غنات الأرقام ما تغني فقارا القلوب=والفقر ماهوب عيره للكريم الشجاع
لا صار عرضك نزيه ولا اقترفت الذنوب= ربحان لو عشت في الدنيا بليا متاع

المشاركة الأصلية كتبت بواسطة عمر العتيبي (المشاركة 911761) يامرحبا والله يا عبدالله بن مقبل العصيمي واسعد الله مساك وصباحك بكل خير وكل عام وانت بخير وصحه وسلامه ولله درك على هذا النص الجميل لم نقبله فقط بل أرضى و أشبع الذائقه وحاز على الإعجاب صح لسانك مليارآآت يا عبدالله وبيض الله وجهك ولا يستغرب الإبداع من أهله نص رائع يستحق الـ 5 نجوم + تثبيت وسأكون متشوقا ً لرؤية جديدك احترامي

المشاركة الأصلية كتبت بواسطة بندر المرشدي (المشاركة 911801) والله لو رأس مالي مـا يجينـي بثـوب ماهين نفسي ولا ركـب لوجهـي قنـاع عبدالله مقبل العصيمي الله يحييك قصيدة جزلة ومعبرة عز الله ابدعت صح لسااااااانك