وينكم يامفسرت البيوت-----اقلطوا

[صاهود]

المشاركة الأصلية كتبت بواسطة الصقر

هذي القصيده ياذيب انت وبقية الذيابه ... وعلاكم بنخلها وتحليلها ...

شيء بقلبي ياملا حايرن فيه = شيء تحير به عقول الفهامي
مخفيه بفوادي ولا ودي ابديه = واداور الخيرات شرقن وشامي
احترت به ما شفت شيء يحاليه = واليوم ابنشد عنه ماني بكامي
(سيلن حدر مع وادين غير واديه = مدري حلالن ماه وإلا حرامي
كانه حلال وجايزن شرب صافيه = وش حلله يا مفسرين الحلامي)
هاتوا تفاصيله وهاتوا معانيه = نبي الدليل اللي عليه الكلامي
نبي دليل يفهم الدرب ماشيه = يمشي به التايه بليل الظلامي
يمشي به التايه ويقدي مواطيه = ويشرب قراح الماء لياصار ضامي
لا شك هجسي يوم خلا مماشيه = أنه حرام ومنه زود الأثامي
أحرم من الزقوم مره وحاليه = وشربه على الضامي يزيد الهيامي
الله من قلبن همومه تقزيه = تدك به مثل الجراد التهامي
من ما جرى قامت تتله مشاحيه = تل الرشا من فوق هدف المقامي
روابعن قامت تصيبه وتخطيه = شاف الهوايل واختلاف الاسامي
ما يسمع الداعي اليا قام يدعيه = يعوم في بحرن من الهم طامي
ما ينتبه للي بصوته يناديه = يزيد همه يـــوم كلن ينامــــــي
يشوف وقتن ما عرفنا تواليه = وقت يشب مَن بسن الفطامي
هذا زمانن كاثرات بلاويه = الغيم يقلب فيه عج وكتامي
يا بعد شرب الماء على كبد راجيه = ما سيل الغبراء زعوج الجهامي
انبيك يا من كلمة الحق ترضيه = اعطيك ما ينفعك وأفهم مرامي
قصرن يذلك لا تقابل مبانيه = خله عسى شامخ طويله هدامي
خله عسى ما صاب أغادير يفنيه = يودع منازله الطويله رجامي
لوزان مدخاله وطالت حواميه = شيد على الخيبه قليل الرحامي
وحين يوريك المذله وتغليه = أنا أشهد أنك ميت القلب عامي
من لا يودك لا توده وترجيه = ارفع مقامك يا عزيز المقامي
ارفع مقامك عن عدوك وتوذيه = ويلحقك من تركت رفيقك ملامي
حق الرفيق وواجبه لا تخليه = يلزمك مثل الوالدين الحشامي
اختر عزيز الجار والحق يعطيه = شبل على هرج يقوله يحامي
ما دك به عرج المذله وطاريه = يسبق على فعل الفضيله شمامي
ومن قارب الاجرب بالامراض يعديه = عداوه تسطي باللحم والعضامي
درب السلامه بينات مماشيه = ودرب العطب يرث عليك اللكامي
ابعد وقلبك نازح البعد يشفيه = وتلقى عن الدار البغيضه مقامي
دارن بدار وداعي الذل عاصيه = ولا تقبل الذله نفوس الكرامي
الذل موت حايمتن ضواميه = ادخل على منزل فروض الصيامي
عن مقعد بالذل عينك تراعيه = الموت عند الذل امان وسلامي
يرضى المذله من تردت هقاويه = والذل يجفل منه قلب العصامي
والعبد له رب عن الناس يغنيه = ولولاه ما صاب الهدف كل رامي

بيض الله وجهك يالصقر علي المجهود الطيب

الليل الليل يالربع

اللة اللة بالرمعات الطيبه