وينكم يامفسرت البيوت-----اقلطوا
 

بيت من قصيده للشاعر الكبير المتوفي محمد السديري

وهومن قصيده معروفه

سيلن حدر في وادين غير واديه=مدري حلالن ماه ولا حرامي

وين النشمي اللي يفسره لنا

سيلن حدر في وادين غير واديه=مدري حلالن ماه ولا حرامي



المعنى واضح انه هابط



لكن من لمقصود هنا الكلام كثر الكلام ن المقصود بل وصل القول انه يقصد نفسه وهذا مستحيل

لا والله يابن روق ماهو هابط هو شي سياسي

لاهنت علي المرور

عطنا البيوت اللي قبله واللي بعده حتى نعرف اتجاه البيت وين

والله يابو تيجان ماني قاضبها بس هي قصيده معروفه علي مستوي الخليج

ويمكن انها موجوده فالمنتدي

وان ماعرفت حلها ما تلام لانها ماهي كامله بس احاول ادورها في قوقل

ترفع

شي طبيعي ياذيب عروا مستحيل تفسر بيت واحد يتيم مبهم جداً لازم تعرف وجهة البيت من البيت اللي قبله واللي بعده حتى تطيح على الهدف

قد يكون احد اقاربه او اخوانه تزوج بنت ليست بمقام قبيلته بالاصح ليست اصيله فذكر ذلك البيت

سيل ٍ جرى مع وادي ٍ غير واديه -- مدري حلال ٍ ماه ولاحرامي


لأن معروف الاصيل مايزوج الا الاصيل وفي تلك الزيجه انقلب الحال ..


هذي رمعتي


تقديري


..

سيل(ن) حدر مع وادي(ن) غير واديه === مدري حلال ماه ولا حرامي

انا قرأت القصيدة واستنتج منها :

ان الشاعر هنا يصف محبوبته حين قال ( سيلٍ حدر مع غير واديٍ غير واديه ) فهو يقصد هنا والله

اعلم محبوبته التي تركته لاجل شخص اخر

اما حين قال ( مدري حلالٍ ماه ولا حرامي ) فهو يقصد الرجوع له هل هو حلال ام حلال للتأكيد على ان


محبوبته لاتستحق الرجوع لها

وشكرا


ملاحظه : (( هذا كان تفسيري ولايعني انه صحيح ربما هناك وجهات اخرى ))

رمعتك قريبه جدا جدا بس ماهو زواج اكبر من الزواج