معجب العتيبي
ياسلامي سلام الله على اهل الوسام=خص منهو حديث العهد بالاوسمه
صاحبي صاحبي قبلان خلا المنام=واجتهد لين جاب الغاليه بقلمه
قبلان الدعجاني
مرحبا والكلام اللي عليه الكلام = صاحبك من قديم الوقت بان علمه
قسمنا ياوسيع العرف ذروة سنام = وكل رجلن يطالع فاللقى محزمه
معجب العتيبي
البقاء عد منهو طاف بيته وصام=مار جوّد كلامي واحفظه وافهمه
كفو ياصاحبي لا مالحقك الملام=والخوي الخوي نموت مانظلمه
قبلان الدعجاني
عارفين الحلال وعارفين الحرام = والعدو نحمد الله كلنا نكعمه
استهلي علينا ياسيول الغمام = السما برقها يبرق وهي مظلمه
معجب العتيبي
انت ياصاحبي ماشي بحسب النظام=ومن مشى الدرب ياصل غايته بقدمه
انتبه لاتغير وجهتك للحلام=مايفيد الخطاوي لو يزيد اندمه
قبلان الدعجاني
وش تسوي يامعجب في دروب الظلام = دامني ماشي ٍ ياخوك بالانظمه
لن مشينا جنوب ولن مشينا لشام = الوعد يالعتيبي قاضي المحكمه
معجب العتيبي
كان علمك كذا هالحين شد الحزام=عندنا عقد واضح ودنا نبرمه
كان ودك تقدم قبل وقت الزحام=الجمال جهزت والناس جت محرمه
قبلان الدعجاني
طيرنا كان رفرف في سمانا وحام = صيد مخلاب طير العز من يقسمه
العوض في شعيل اللي ليا قام قام = يرتكي للحمول ولقمته في فمه
معجب العتيبي
ويش قولك بوقت الحرب خل السلام=لاوصلك المعادي بشحمه ولحمه
موقفٍ مانفعبه غير فعل الحسام=فيه ماينفع الرجال كبر شحمه
« آخـــر الـــمـــشـــاركــــات »
20-Apr-2008, 09:45 PM
العرض الشجري