ياسلامي سلام الله على اهل الوسام=خص منهو حديث العهد بالاوسمه
صاحبي صاحبي قبلان خلا المنام=واجتهد لين جاب الغاليه بقلمه

مرحبا والكلام اللي عليه الكلام = صاحبك من قديم الوقت بان علمه
قسمنا ياوسيع العرف ذروة سنام = وكل رجلن يطالع فاللقى محزمه

البقاء عد منهو طاف بيته وصام=مار جوّد كلامي واحفظه وافهمه
كفو ياصاحبي لا مالحقك الملام=والخوي الخوي نموت مانظلمه

عارفين الحلال وعارفين الحرام = والعدو نحمد الله كلنا نكعمه
استهلي علينا ياسيول الغمام = السما برقها يبرق وهي مظلمه

انت ياصاحبي ماشي بحسب النظام=ومن مشى الدرب ياصل غايته بقدمه
انتبه لاتغير وجهتك للحلام=مايفيد الخطاوي لو يزيد اندمه