سؤال عن الدلوح ,,,,, ساعدوني

[فيصل محمد الرويس]

المشاركة الأصلية كتبت بواسطة نواف الرويس

ابن العم فيصل الرويس

و الله مدري عنك ان تمدح و اللا تحش فيني

ترى منيب فاهم اي شي

مع العلم بان عولمة العلوم الزينه مهيب شينه

بس من اللي عنده ها العلوم الان ووينه

و الف شكر على مرورك و يا ليت تدلني على شخص في الحجاز يفيدني

أنا أخوك من دون أكثر الناس اللي تقرأ الموضوع .
ومن سؤالك ومباشرته وصراحته وصداميته لم تختلف عن طبع بني عمك المقاحصة .
وتلقائيتك اللذيذة على الروح .

وأنا أخوك الدلح على مسفر . وأخوان مسفر هم عيال عمنا الحواضر وذوي شامان . والعقايدة والعقايدة أنقطعو .
وكان فيهم فريس ومرابط خيل ومراكي أهل الأفعال .. وبواردية كلهم . ويدركون المخلى بزود عن الباقين . ولا تذكر ثلاث سوالف عن الأولين إلا وفيها واحدة للرباعين .والدلوح كلهم مصايب رجال وعدمين روح .
يكفيك اللي صاح وما في يده إلا مشعاب , يقول" المعقب اللي يعود وراسه بين متونه " في يوم إبن جمعه .

ولا تأخذ العلوم إلا من أهلها .

الله يحييك وسط بني عمك في مجالسهم اللي تنومس كل عتيبي وأسمع العلوم اللي تصلح لك . واترك عنك سوالف الناس الفاضية في الإنترنت .
ولا تأخذ العلم إلا بسند .. وأنت هنا في المنتدى من تسند عليه ؟!


هذا اللي يجزعني فيك .. وقل العرف غشامة في كل الأحوال .

شفت الجدود اللي محطوط عليهم إستفهام ههههههههههه فيهم مرض العدو , وفرحة الصديق ..
ولكن حتى لو عطيتك علم ؟, ما أبيك ترده عني .. أنا يا فيصل .. ومن خلال منتدى إنترنت ..
فلا أنا من عوارف القبيلة .. ولا أنا منك أقرب إلى غيري من المقاحصة . ولا المقام في مستوى هذا السؤال .
وهاذي ما فيها نشده . ولو سألت تكون في محيط عائلي محدود بالمربين من أعمامنا وتكون الإجابات تحت إشرافهم وتقديرهم للسائل وكيف تتم الإجابه عليه . وقبل كل شيء لماذا تسأل فقد تكون بواعثك بسبب خلاف ومشاجرات عصبية مع أحدهم .
ولا عتبت عليك بهدف السؤال ولكن بطريقتك في عرضه .

هذه الأمور وإن كانت واضحة فهي لا تؤخذ ببساطة . لأنها كالصفحة البيضاء ويجب أن تكون محفوظة عن الكلام السهل والسطحي .