الكلام الفـاصل بالنـقط والفـواصل لما يزعم به البـليهد بين قحـطــان وعتيــبه

[هلالي عتيبه]

يابن جرمان حياك الله....
وين غديت انت ؟
علق على كلام ابن مشيب بالدلايل اللي عندك , وبعدين ترى هذا شي معروف عند قبايل اهل نجد كلها لو تسالك واحد لاهو عتيبي ولا قحطاني اخبرك انه فعلا عتيبه اخرجت قحطان من كثير من املاكها في نجد , وانتم في زمن الانترنت بتحجبون الحقايق كمن يريد ان يحجب الشمس بغربال !!

حنا معنا دلايلنا من المؤرخين ( المحايدين ) اللي لاهم منا ولاهم منكم , مثل ابن بليهد اللي انتم شانين عليه حمله لانه ذكر الحقيقه , بعدين وش اللي يحد ابن بليهد على الكذب !!
فلاهو عتيبي ولاله عنوه مع العتبان , ولاهو عدو لكم حتى نقول انه متحامل على القحاطين .

وايضا.. معنا من الدلايل القصيد, قصيد الشيوخ والشعار اللي حضروا المعارك, كما ذكر ابن مشيب ابيات العفار وابن فهيد وغيرهم الكثير . وبيت شالح ابن هدلان ينسف كل ماذكرت في مضوعك

من حل دار الناس حلوا دياره=لابد ماتنزل ديـاره ويغبـن

والبيت هذا اعتقد انه مايبي له تفسير .

وايضا.. معنا من الدلايل قول ابن لبده وماذكره في مجله البواسل , وهو شيخ من شيوخكم وادرى منكم وابخص

وايضا.. معنا المنطق, فكما هو معلوم ان عتيبه ماكان لها ي نجد ملك ابد , وكانت كل املاكهم في الحجاز , الى ان حدرت لنجد طلبا للربيع , ورفض ابن هادي نزولهم في نجد , وعلى هذا الاساس نشبت الحرب بينهم , ومن بعد تلك الحروب وعتيبه الى الان في نجد , وفي افضل اماكنه واجودها!!
فكيف تفسر لي وجود عتيبه في نجد ؟ هل هم لقوا اماكن فاضيه ولا فيها احد واملكوها؟؟ واذا كانت فاضيه وش اللي حد عتيبه على الحرب ؟
والمنطق يقول الواقع اللي حنا نقوله وقبايل نجد كذلك يقولونه ( خل عنك اهل الجنوب اللي مادروا عن السالفه الا امس وجو ينفونها في الانترنت ) , وهو ان عتيبه اخرجت قحطان من كثير من ديارها.


بعدين.. اكثر من مره اسمع من القحاطين انهم يلقبون ابن هادي ( سلطان نجد !!) , ولادري على اي اساس منحوه هذا اللي اللقب ؟
فهو منصوب من الامام فيصل ابن تركي , فقد نصب (الامام) ابوه قبله شيخ على قبيلته ومن هنا صار شيخ على ربعه , فابن هادي ( رحمه الله ) لايعدو الا انه عامل ومنصوب للامام فيصل ابن تركي , والدليل ان احد المرات وشى احد الواشين للإمام ضد ابن هادي فغضب الإمام من ابن هادي غضبا شديدا واراد ان يقاتله , فلما سمع ذلك ابن هادي خاف عل نفسه وعلى قبيلته واسرع للإمام يسترضيه بقصيدة قال فيها :

يا شيخ لا تسمع هروج الحفايـف=خذ جابتي يا منقع الطيب والجـود
حنا علـى ضـدك جبـال نوايـف=وحنا لك اطوع من عنيبر ومسعود

وعنيبر ومسعود هم عبيد للإمام , فيف يرضى الشيخ ابن هادي ان يصف نفسه وقومه ( بعنيبر ومسعود )...... اترك لك التفسير

والسلام عليكم ورحمة الله وبركاته