سفر الدغيلبي يمرر سالفة الدويش على تركي 2000

[فيصل بن فهد الجهني]

ابو سعد شاعر قوي جدا .. ولا يهون تركي الميزاني

ياما سرت التمريرات على كبار الشعراء وهذا لا يقلل من شاعريتهم


سلمت يا وحي العقل .. و ما شاء الله عليك لقطتها

[الجوراسي]

بدعه قوية جدا وغامضه

اما انها مرت على تركي او مررها

تحياتي لك ياوحي العقل

استمر بارك الله فيك فنحن متعطشون لما تخطه اناملك

[الكنق]

المشاركة الأصلية كتبت بواسطة وحي العقل

.

جرت هذه الحادثه في عصر الأمام عبدالله الفيصل بن سعود وهو جالس وعنده راكان بن حثلين والحميدي الدويش ، وأتى العبد المقهوي بالقهوه ومد الفنجال لبن سعود فأجابه الأمام صبها للأمير فيهم وهو يقصد الدويش وبن حثلين فقال الدويش صبها لي فأنا الأمير فأنا أضرب المطيري وأذبح أحد أبناءه وأرقد مع أهلي مطمئننا , وحكمي على قبيلتي كحكم الرجل على اهله وأما راكان لا يتجرأ على ضرب العجمي . ولايفعل شئ
فقال الأمام أصحيح ماقاله الدويش ياراكان ؟ فأجابه راكان نعم صدق الدويش لأنه : أنا لا صهلت إلا أنا حصان وسط حصن ولا الدويش لا صهل الياه حصان وسط كدش او وسط رمك .
فقال الأمام للعبد صب الفنجال لراكان فهو الأمير .


يقول سفر الدغيلبي :

سلام الله على اسم تعتزيبه عزوة المطـران
ليا ذكر الدويش ابدت مطير السمع والطاعة

تشرفنا وزادتنا تشـرف دعـوة الدوشـان
وحمانا الله ونجانا مـن الشيطـان واتباعـه


تركي 2000

هلا يامرحبا وانته وانا في ساحة الميدان
وهذي ساعة ياصاحبي تسوى مية ساعة

كتبت لك الرساله والرساله تحمل العنوان
تمعن بالحروف ولاتجي في قلبك الراعه


سفر الدغيلبي


نبي نجرد سيوف المعركه بسم الله الرحمن
سيوف للحـم والعظـم قطاعـه وبتاعـه

كتبت رسالتك واسمك وعنوانك على الشرطان
شراطين تـروج بيـن شرايـه وبيـاعـه


تركي 2000


الى منك صملت ابشر بنارٍ مالها دخـان
لوني مانصحك بالحرب لو النفس طماعه

يابن برقا على هونك وقدمها على البرهان
ترا ماكل رجالا يجيب الكسـب بذراعـه


سفر الدغيلبي


ثلاث شهور وانته غايبٍ عن شبت النيران
لكن اجمع حطب نارك وولعهـا بولاعـه

اشوفك تلتفت لفلان ذاك وتلتفـت لفـلان
حصان مطير مدري وين مصيافه ومرباعه


تركي 2000

ثلاث اشهور احد القوم وانت تطرد الضبان
وضبٍ تمسك يدينه وضب تسحب كراعـه

اشوفك تشتكي وتقول انا جايع واناضميـان
واخاف انك تحول في قليبـا مالهـا قاعـه

سفر الدغيلبي

اصيد الضب واللي يشبهه من ساير العربان
ياتركي دام هذي حجتك يا ضاعة الضاعه

اذا جيت اشتكي لك لاتسميني من العتبـان
وانا اللي في يدي الخير باشكاله وبنواعـه


تركي 2000

الايطير كيف تطير وانت مكسر الجنحـان
يبا يقشعك ابو مكشاع ويصيـدك بمقشاعـه

تقوله يالعتيبي وانـت لارابـح ولاكسبـان
سوات الزورق الي بالبحر يومي به شراعه


سفر الدغيلبي

تكلم بالكلام اللي يناسب ياولد ميـزان
حناجيرك وراها للعلوم العوج بلاعه

الاياراعي الدكان شكرا قفل الدكـان
تراني تاجرا ماني براضي بايت بضاعه


تركي 2000

احدك للكلام الزين وانت تطمر الجـدران
سوات الورع مايسكت يالين اعطيه رضاعه







.

وعندك البيت الثاني تمريره ايضآ ,

تشرفنا وزادتنا تشـرف دعـوة الدوشـان
وحمانا الله ونجانا مـن الشيطـان واتباعـه


وحي العقل ادخل هنا
http://www.otaibah.net/m/showthread.php?t=87257

[الهزبري]

والله قويه جدا


هل مرت على تركي


او انه تركها بمزاجه


فعلا

سفر لايجامل خصمه ابدا

[محمد البرازي]

وحي العقل :


تأويل الموضوع لا ادري من أين حملُ .. ربما حملت معنى ما تريده أتى من راسك أخي وحي . لا أجد تميز

بطرح الموضوع سواء أثبات أنه تمريره .. بل يزيد القوم بأن يكثر ما ممر على تركي ..

وحي ناقد على العين والرأس ولكن لا اتفق معاك أبدا .

شكرا لإثراء الموضوع من الزملاء هنا .
.

[ياسر الجعيد]

المشاركة الأصلية كتبت بواسطة الكنق

وعندك البيت الثاني تمريره ايضآ ,

تشرفنا وزادتنا تشـرف دعـوة الدوشـان
وحمانا الله ونجانا مـن الشيطـان واتباعـه


وحي العقل ادخل هنا
http://www.otaibah.net/m/showthread.php?t=87257

سفر شاعر كبير يستحق الاحترام والتقدير

وكذلك تركي شاعر رائع يستحق الاشاده


الكنق قناص درجه اولى دخلت على الرابط واعجبني

وحي العقل غلطة الشاطر بعشره الله يعينك ههههه

[اسير الروح]

سفر الدغيلبي

تكلم بالكلام اللي يناسب ياولد ميـزان
حناجيرك وراها للعلوم العوج بلاعه

تحتمل وجهين : الاول البلع

والثاني البلاعه اللي الكل يعرفها ,

[ذيب الخلا]

هلا يامرحبا ( وأنت أهونا) في ساحة الميدان

مدري كانت بقصد أو لا من تركي ؟

[وحي العقل]

.



.


الود واشكاله لجميع من وضع بصمته هنا

[وحي العقل]

.



.

صديقي الكنق بقدر سؤالك اتت الاجابة في تلك .. كنت تسأل عن المعنى
والمعنى بما تحمله كلمة المعنى من معنى غير موجود هذه المحاوره ومثيلاتها
اما موضوع التمريرة شأن آآخر .

كل الود