|
سفر الدغيلبي يمرر سالفة الدويش على تركي 2000
.
جرت هذه الحادثه في عصر الأمام عبدالله الفيصل بن سعود وهو جالس وعنده راكان بن حثلين والحميدي الدويش ، وأتى العبد المقهوي بالقهوه ومد الفنجال لبن سعود فأجابه الأمام صبها للأمير فيهم وهو يقصد الدويش وبن حثلين فقال الدويش صبها لي فأنا الأمير فأنا أضرب المطيري وأذبح أحد أبناءه وأرقد مع أهلي مطمئننا , وحكمي على قبيلتي كحكم الرجل على اهله وأما راكان لا يتجرأ على ضرب العجمي . ولايفعل شئ فقال الأمام أصحيح ماقاله الدويش ياراكان ؟ فأجابه راكان نعم صدق الدويش لأنه : أنا لا صهلت إلا أنا حصان وسط حصن ولا الدويش لا صهل الياه حصان وسط كدش او وسط رمك . فقال الأمام للعبد صب الفنجال لراكان فهو الأمير . يقول سفر الدغيلبي : سلام الله على اسم تعتزيبه عزوة المطـران ليا ذكر الدويش ابدت مطير السمع والطاعة :) تشرفنا وزادتنا تشـرف دعـوة الدوشـان وحمانا الله ونجانا مـن الشيطـان واتباعـه تركي 2000 هلا يامرحبا وانته وانا في ساحة الميدان وهذي ساعة ياصاحبي تسوى مية ساعة كتبت لك الرساله والرساله تحمل العنوان تمعن بالحروف ولاتجي في قلبك الراعه سفر الدغيلبي نبي نجرد سيوف المعركه بسم الله الرحمن سيوف للحـم والعظـم قطاعـه وبتاعـه كتبت رسالتك واسمك وعنوانك على الشرطان شراطين تـروج بيـن شرايـه وبيـاعـه تركي 2000 الى منك صملت ابشر بنارٍ مالها دخـان لوني مانصحك بالحرب لو النفس طماعه يابن برقا على هونك وقدمها على البرهان ترا ماكل رجالا يجيب الكسـب بذراعـه سفر الدغيلبي ثلاث شهور وانته غايبٍ عن شبت النيران لكن اجمع حطب نارك وولعهـا بولاعـه اشوفك تلتفت لفلان ذاك وتلتفـت لفـلان حصان مطير مدري وين مصيافه ومرباعه تركي 2000 ثلاث اشهور احد القوم وانت تطرد الضبان وضبٍ تمسك يدينه وضب تسحب كراعـه اشوفك تشتكي وتقول انا جايع واناضميـان واخاف انك تحول في قليبـا مالهـا قاعـه سفر الدغيلبي اصيد الضب واللي يشبهه من ساير العربان ياتركي دام هذي حجتك يا ضاعة الضاعه اذا جيت اشتكي لك لاتسميني من العتبـان وانا اللي في يدي الخير باشكاله وبنواعـه تركي 2000 الايطير كيف تطير وانت مكسر الجنحـان يبا يقشعك ابو مكشاع ويصيـدك بمقشاعـه تقوله يالعتيبي وانـت لارابـح ولاكسبـان سوات الزورق الي بالبحر يومي به شراعه سفر الدغيلبي تكلم بالكلام اللي يناسب ياولد ميـزان حناجيرك وراها للعلوم العوج بلاعه الاياراعي الدكان شكرا قفل الدكـان تراني تاجرا ماني براضي بايت بضاعه تركي 2000 احدك للكلام الزين وانت تطمر الجـدران سوات الورع مايسكت يالين اعطيه رضاعه . |
صح السان سفر فأنا من متابعينه بشغف وبكل صغيره وكبير
شاعر مايجيب الا الكلمه الجزله والمرتفعه مستواها أما السالفه كان ماخاب ظني بين الدويش والفرم امير بنى علي من حرب مايهم المهم بيت المحاوره وشكرا |
سلام الله على اسم تعتزيبه عزوة المطـران
ليا ذكر الدويش ابدت مطير السمع والطاعة سالفه مشهوره لدى العام والخاص والمعنى مثل ماقلت ياوحي العقل ماشاء الله عليك كيف التقطها :) خطير ابو سعد |
نعم قصه مشهوره وتختلف الرواه في الشيخ الذي كان مع الدويش بالنسبه للمحاوره البيت مر مرور الكرام ويعجبني أبو سعد لم أراه يجامل خصمه إلى الأن رغم أن الساحه مليئه بالمجاملات لاهنت يا وحي العقل |
لاهنت ياوحي العقل
متى تاريخ المحاورة وهل تركي وافق على اللعب مع سفر لإنه كان يرفض ذلك |
ابو سعد شاعر جزل وله مستقبل زاهر في ساحة الميدان والمحاوره ...
ولا يهون ابو رهف ,, يسلم راسك ع النقل المميز يا الغالي |
الاخ فهد نيابه عن وحي العقل المحاوره قديمه ممكن قبل أربع سنوات |
لاهنت
والعملاق ابو سعد شاعر نادر ولايجامل سلام الله على اسم تعتزيبه عزوة المطـران ليا ذكر الدويش ابدت مطير السمع والطاعة خطير ابو سعد من اول بيت مافيه تفاهم . |
ابوسعد عنيف دائماً
|
اقتباس:
|
| الساعة الآن »09:09 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd