يازين فعل يالدواسر فعلتوه :دسمان بن مناحى السبيعى

[دوسر]

قصيدة للشاعر /دسمان بن مناحي السبيعي

بمناسبة مزاين الإبل المجاهيم لدى الدواسر في يوم الخميس الموافق

26/7/1423 هــ حيث تميز هذا المزاين عن غيره بوضع مزاين مرادف

وجوائز للضيوف غير الدواسر وهذه سابقة طيبة لم يسبق لأحد ان شرعها

من القبائل الأخرى قبل قبيلة الدواسر فقال الشاعر

يازين فعل يا الدواسـر فعلتـوه=فعل سبقتـوا فيـه كـل القبايـل
حتى لو النـاس بعديـن سـووه=انتم هله من قبل وانتـم لاوائـل
قلتوا كلام للضيـوف وحميتـوه=وعاداتكم با لضيف فعل الجمايل
يوم المزاين بينكم ما احتكرتـوه=ماعودوا ضيفانكـم بـا لفشايـل
من كان معه مشاركه ما منعتـوه=ماقيل ذا واجـد وذولـي قلايـل
بينتوا العلـم الجميـل ورفعتـوه=للي يحسـب ادقاقهـا والجلايـل
تستاهلون الطيب يا اللي عملتـوه=ويفوز بالطالات من كـل طايـل
ماهمكم مال العناء لـو جمعتـوه=ماباقي إلا الفعل والمـال زايـل
هذا طريـق للنشامـى رسمتـوه=إلا الذي سلمه عن الطيب مايـل
قررتوا الدرب الصحيح وفرضتوه=مثل القلايد في رقاب الأصايـل

وهاذي مجاراة الشاعر : سعد بن سالم بن سويحل الخضران الدوسري

قاف السبيعي يالدواسر قريتوه = ردو على دسمان جزل المثايل
ياكاتباً خطي لدسمان ودوه = يستاهل البيضاء صبي الصمايل
دسمان معروف وبالطيب سموه = الإسم من فعله يجيله دلايل
اهله على المعروف والطيب ربوه = على الوفاء والمرجله والفضايل
مدحه جميل في الدواسر وسمعوه = لبيك ياقرماً كتبت الرسايل
من جاء الدواسر يا ابيض الوجه عزوه = يرتاح مايشكي هموم وملايل
بينت ماشافت عيونك وسووه = ترى الشهم يثني على أبناء الحمايل
لاجاء المزاين فبيض الوجه نادوه = حطو الجواير للسبيعي نفايل
ربعك سبيع كل طيباً تبنوه = سبيع تعرف بالفعول الجلايل
ترى القبايل مالها حق مسفوه = مانيب من ينسى حقوق القبايل

والسلام مسك الختام.~

[ابن المحايا]

صح لسان الشاعرين


والنعم بالدواسر اهل العلوم الغانمة


لاهنت على النقل الرائع يالغالي

[محنك بلد]

ونعم بالدواسر خطلان الايدي
اهل الكرم والحميا

[دوسر]

المشاركة الأصلية كتبت بواسطة ابن المحايا

صح لسان الشاعرين


والنعم بالدواسر اهل العلوم الغانمة


لاهنت على النقل الرائع يالغالي

إبن المحايا.~

صح بدنك.~

وماعليك زود .~

والاروع مرورك يالغالى.~

[دوسر]

المشاركة الأصلية كتبت بواسطة محنك بلد

ونعم بالدواسر خطلان الايدي
اهل الكرم والحميا

ماعليك زود يالمحنك .~

ونعم يالهيلآ عتيبه ولا قصوور فى القبايل .~

أجمل التحايا لك وللقراء.~

[ابو ضيف الله]

صح لسان الشاعرين

واشهد ان السبيعي ما كذب وفعلة الدواسر تعتبر سابقة

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[دوسر]

المشاركة الأصلية كتبت بواسطة ابو ضيف الله

صح لسان الشاعرين

واشهد ان السبيعي ما كذب وفعلة الدواسر تعتبر سابقة

صح بدنك يالقرم.~

أبو ضيف الله إطلالتك تسعدنى.~


شاكر لك تواجدك المتميز.~

[الحميدي العتيبي]

صحت السنتهم جميع والممدوح يستاهل لا شك ..ونعم بالدواسر والله

[دوسر]

المشاركة الأصلية كتبت بواسطة محنك بلد

ونعم بالدواسر خطلان الايدي
اهل الكرم والحميا

المعذره مادريت أنك حربى وانتو مافيكم كلام يحرابه الدول ونعم بكم.~

تقبل اعتذارى وجل من لايسهو.~

[دوسر]

المشاركة الأصلية كتبت بواسطة الحميدي العتيبي

صحت السنتهم جميع والممدوح يستاهل لا شك ..ونعم بالدواسر والله

صح بدنك.~

تستاهل الطيب يالحميدى.~


وماعليك زود وهذا من طيب معدنك .~