يازين فعل يا الدواسـر فعلتـوه=فعل سبقتـوا فيـه كـل القبايـل
حتى لو النـاس بعديـن سـووه=انتم هله من قبل وانتـم لاوائـل
قلتوا كلام للضيـوف وحميتـوه=وعاداتكم با لضيف فعل الجمايل
يوم المزاين بينكم ما احتكرتـوه=ماعودوا ضيفانكـم بـا لفشايـل
من كان معه مشاركه ما منعتـوه=ماقيل ذا واجـد وذولـي قلايـل
بينتوا العلـم الجميـل ورفعتـوه=للي يحسـب ادقاقهـا والجلايـل
تستاهلون الطيب يا اللي عملتـوه=ويفوز بالطالات من كـل طايـل
ماهمكم مال العناء لـو جمعتـوه=ماباقي إلا الفعل والمـال زايـل
هذا طريـق للنشامـى رسمتـوه=إلا الذي سلمه عن الطيب مايـل
قررتوا الدرب الصحيح وفرضتوه=مثل القلايد في رقاب الأصايـل

قاف السبيعي يالدواسر قريتوه = ردو على دسمان جزل المثايل
ياكاتباً خطي لدسمان ودوه = يستاهل البيضاء صبي الصمايل
دسمان معروف وبالطيب سموه = الإسم من فعله يجيله دلايل
اهله على المعروف والطيب ربوه = على الوفاء والمرجله والفضايل
مدحه جميل في الدواسر وسمعوه = لبيك ياقرماً كتبت الرسايل
من جاء الدواسر يا ابيض الوجه عزوه = يرتاح مايشكي هموم وملايل
بينت ماشافت عيونك وسووه = ترى الشهم يثني على أبناء الحمايل
لاجاء المزاين فبيض الوجه نادوه = حطو الجواير للسبيعي نفايل
ربعك سبيع كل طيباً تبنوه = سبيع تعرف بالفعول الجلايل
ترى القبايل مالها حق مسفوه = مانيب من ينسى حقوق القبايل

المشاركة الأصلية كتبت بواسطة ابن المحايا (المشاركة 1044638) صح لسان الشاعرين والنعم بالدواسر اهل العلوم الغانمة لاهنت على النقل الرائع يالغالي

المشاركة الأصلية كتبت بواسطة محنك بلد (المشاركة 1044660) ونعم بالدواسر خطلان الايدي اهل الكرم والحميا

المشاركة الأصلية كتبت بواسطة ابو ضيف الله (المشاركة 1044706) صح لسان الشاعرين واشهد ان السبيعي ما كذب وفعلة الدواسر تعتبر سابقة

المشاركة الأصلية كتبت بواسطة محنك بلد (المشاركة 1044660) ونعم بالدواسر خطلان الايدي اهل الكرم والحميا

المشاركة الأصلية كتبت بواسطة الحميدي العتيبي (المشاركة 1044715) صحت السنتهم جميع والممدوح يستاهل لا شك ..ونعم بالدواسر والله