ذباحة الحايل طويلين الأشبار

[جهز العطاوي]

كيبورديه سريعه أتمنى أن ترتقي لذائقتكم ..

بسم الذي يعلم خفيات الأسرار=الخالق المعبود رب العبادي
علاّم ما بالكون من سر وجهار=مرسل رسوله بالهدى والرشادي
من بعدها بمدح هل العز والكار=ربعي هل الطالات خطل الأيادي
ذباحة الحايل طويلين الأشبار=أهل الفخر والطيب سقم المعادي
عتيبه الهيلا كما الضلع سنجار=مروين حد السيف يوم العنادي
شرابة الفنجال .. يهدون الأعمار=يوم المثارا والطعن والطرادي
ريف الضعيف متيّهة حسك الأوبار=كسابة الأمداح حاضر وبادي
روقٍ وبرقا عز للضيف والجار=أهل السلوم الطيبه والمبادي
عزي وفخري لابتي غيث مدرار=على الصديق ..مطوعين الأعادي
تاريخهم معروف في كل الأقطار=مع الأوادم حضرهم والبوادي
أقولها مره وثنتين وأمرار=حنا هل الفزعه طيور الهدادي
وكل القبايل نعم عدمين الأشوار=أهل الفخر والطيب والعز بادي
تمت وصلى الله على سيد الأبرار=نبينا خير البشر خير هادي

التوقيع

سبحان الله وبحمده سبحان الله العظيم ,, أستغفر الله وأتوب إليه