بسم الذي يعلم خفيات الأسرار=الخالق المعبود رب العبادي
علاّم ما بالكون من سر وجهار=مرسل رسوله بالهدى والرشادي
من بعدها بمدح هل العز والكار=ربعي هل الطالات خطل الأيادي
ذباحة الحايل طويلين الأشبار=أهل الفخر والطيب سقم المعادي
عتيبه الهيلا كما الضلع سنجار=مروين حد السيف يوم العنادي
شرابة الفنجال .. يهدون الأعمار=يوم المثارا والطعن والطرادي
ريف الضعيف متيّهة حسك الأوبار=كسابة الأمداح حاضر وبادي
روقٍ وبرقا عز للضيف والجار=أهل السلوم الطيبه والمبادي
عزي وفخري لابتي غيث مدرار=على الصديق ..مطوعين الأعادي
تاريخهم معروف في كل الأقطار=مع الأوادم حضرهم والبوادي
أقولها مره وثنتين وأمرار=حنا هل الفزعه طيور الهدادي
وكل القبايل نعم عدمين الأشوار=أهل الفخر والطيب والعز بادي
تمت وصلى الله على سيد الأبرار=نبينا خير البشر خير هادي

المشاركة الأصلية كتبت بواسطة أخو جوزا (المشاركة 950143) صح لسانك ياجهز

المشاركة الأصلية كتبت بواسطة أبو مرحبا (المشاركة 950151) هنا يأتي الابدااااااااااااااااااع الشاعر جهز العطاوي صح السانك مدد بلا عدد تقبل مروري

المشاركة الأصلية كتبت بواسطة عمر الدغيلبي (المشاركة 950649) صح لسانك يا جهز و بيض الله وجهك وكفو يا ابن العم كفو قصيده طيبه من شاعر كفو في عزوتي وتاج راسي عتيبه الهيلا مدحت و تفاخرت ياجهز وكفيت ووفيت لا عدمنا حضورك و سطوع نورك في هذا الصرح الشامخ احترامي