قضية تركي بينه وبين سفر الدغيلبي في الاردن

[فهد الزهراني]

المحاورة ماتحتاج تعليق ...
وان كان رد تركي 2000 على سؤال سفر فيها هجوم قوي ولكن من ناحية اخرى يعتبر مثل الاعتراف وكنت اتمنى ان يكتفى بالنفي او التكذيب لكن هذولي شعار ويصلحون فيما بينهم
سفر ا لدغيلبي =
يسري الليل الطويل وهجوسي ماسرت
ابحرت رغم العواصيف والموج ابحرت
واكثر العالم بما في ضميري مادرت
والثناء والشكر لله رب العالمين
ياليلا لا لاه لا لي لاه
يلعب معي واحد من مطير
ياليلا لا لاه لا لي لاه
حتى ولو ماهو بودّه

تركي
ياسفر لان كان هاجوس صدرك مايبات
ان سبح بك ماسبح بك على نهر الفرات
مير فكر زين واعرف وش السبع الجهات
الثناء والشكر لله رب العالمين
ياليلا لا لاه لا لي لاه
صدفة من صدوف المقادير
ياليلا لا لاه لا لي لاه
لكن عد اللي تعده

سفر
عنك ياتركي سمعنا كلام من الرواه
قالوا انك بعد دينك عصيت مع العصاة
لكن اللي مايبانا ترانا ما نباه
والثناء والشكر لله رب العالمين

ياليلا لا لاه لا لي لاه
ويروّعك صفق المعاصير
ياليلا لا لاه لا لي لاه
ما لين(ن) الا بعد شدّه

تركي
ياسفر خلك قريّب وتسمع مايلي
ان لقيت اللي سواتك لو اعصي ماعلي
والله الخلاق واللي اللي على خلقه ولي
والثناء والشكر لله رب العالمين
ياليلا لا لاه لا لي لاه
انته تسجل في الفواتير
ياليلا لا لاه لا لي لاه
لكن هرجك منت قدّه

سفر
العلوم الضايعه عادتي ما انظر لها
غير لاتنقل لك حمول ما تقدر لها
مثلما قال المثل بيت اهلها استر لها
والثناء والشكر لله رب العالمين
ياليلا لا لاه لا لي لاه
هرجي تثبته التقارير
ياليلا لا لاه لا لي لاه
تقرير مالك عنه صدّّه

تركي
العلوم الضايعه مالها عندي مجال
وانت رجال كفو في العمامة والعقال
استحي ما ودي اقول ماتسوي ريال
الثناء والشكر لله رب العالمين
ياليلا لا لاه لا لي لاه
سفر يشيل الحمل وبعير
ياليلا لا لاه لا لي لاه
لكن وسمي فوق خده

المحاورة رباعية لكن اقتصرت على بيوت تركي وسفر فقط هنا



المحاورة كامله سوف انزلها ان شاء الله في الصوتيات

آخر تعديل فهد الزهراني يوم 04-Jun-2009 في 12:35 AM.