عيد أباالعويرآ الحربي يستفزع في ابن نحيت ولايحضر

[ناصر الهيلا]

هذا حداء عيد أباالعويرآ العمري الحربي في مناخ الرشاوية موجه إلى الشيخ حجاب بن نحيت شيخ مزينه بعد هزيمتهم في مناخ الهييشه
ومقتل شيوخ مزينهمنور بن طعيسه شيخ الحصنان وراكان البشري شيخ البشاريه وكلهم من مزينه
وعدم حضور ابن نحيت لمناخ الرشاوية لمساعدة الذويبي وأستفزاع الذويبي باالشيخ فيصل بن سلطان الدويش شيخ مطير وتلبيته النداء

فيقول عيد أباالعويرآ:

يا ذيب ياللي في الخـلا قنّـاب=عن نجد قزّاني قنيـب عـواه
الصيف طاح بديـرة الاجنـاب=وسحج العشاير هايفت لغثاه
ستين ليـل خادميـن حجـاب=واليوم كـلٍ ماقفـه ينخـاه
من لا يجي في الماقف الغصّاب=ياربعنـا مـا تنوخـذ عـذراه
بار القريب وباروا الاصحـاب=ولا عاد ينفعنا قصيـر الشـاه

وهو يقصد بخدمتهم لحجاب بن نحيت ستين يوم أي مساعدتهم له في مناخ الهييشه ولايوجد عذر يمنع ابن نحيت من الحضور لمساعدتهم كما ساعدوه في الهييشه
ويقصد باالقريب أي قبائل بني عمرو من مسروح من حرب والأصحاب مطير بقيادة الدويش

أما قصير الشاه فهم مزينه بقيادة ابن نحيت لأنهم حلفاء لحرب

وعند وصول الدويش لحرب يقول عيد أباالعويرآ يهدد عتيبةومستفزعآ باالدويش عندما لم يحضر حجاب ابن نحيت:

ياللي تجي الكرزان وروق وعصيم=وادي الرشا قله ترى راعيه جـاه
الحر الأشقر جاء لجنحانه وشيـم=فيصل ولد سلطان سعد اللي نخاه

فعندما أنجلى المناخ بهزيمة حرب ومطير وأنتصار عتيبة
يقول شويمان أبا لجلادآ العصيمي كالتالي:

وادي الرشا مهوب لاحدن من قديم=إلا لمن ساق الجمل ثـم احتمـاه
خلوه من بعد القسا بنـي مضيـم=راحت شرايدهم لصبحا والحصـاه
عنه الدويش محدرينـه للقصيـم=واليوم حربي(ن) نفخ ذربه يبـاه
الحر الاشقر نتفت ريشه عصيـم=واذبحت شيوخه يوم الله ماهـداه

يقول شاعر حرب عيد أبا العويرا معترفاً بالهزيمة وأخذ عتيبة لبيت الذويبي:

وابيتنا اللي بين عرول وجفين=يبنيه ناصر في خشوم ذهلاني
اسود كحيليّن مثل صمة التين=أنا أشهد انه من خيار المباني
وابيتنـا الـلـي ( ---- )=بيت الذويبي وابتناه دعجانـي

على فكره شيخ قبيلة حرب هو الدويش شيخ مطير
فيصبح الدويش شيخ مطير وحرب