رائعه من روائع الهيلا ... هوا مكه

[صاطي]

	الله يسقيك يادار النبي مكه = لك غاية في قلوب الناس مكتوبه مير القلوب الولايف مالهافكه= مدامها في لزوم الحج مغصوبـــه والله يشرف جبال النور منصكه=مايمشي الشوف فيها لوعلى دوبه وانا خلصت ورميت بليس في صكه=وعلنت نية عهودالصدق والتوبه مالي ومال الحجيج وعيشة الضكه=خلوا سبيلي تراني طاوي ثوبـه أبيه ياخذ مداه بواسع السكه = يشفي غليل الضماير فايق سلوبه لاهف كنه يتوع ويلعب العكه = وكن البرد في عيون الوجه وجنوبه الله يسمح اقبال الجمس مع تكه=ويرحم عضام الجميح العود مندوبه أنشهد نه يفل القلب ويدكه = ويوصل ألي طراله بعد محبوبه ملفاه شيخ يبيد الباب ماصكه= من راس جدي طويل الباع محسوبه ياشيخ قلبي يضم العلم ويفكه= لاذكرتني طواري نجد بترابــــــه ودي بشوف النفود ومايل الدكه= لازل يوم الربوع وزلة النوبـــه ياقلب لاتشتحن خذها عن الشكه= لابد يوم يجي يعجبك مطلوبــــه

للشاعر / عبد الهادي بن عباس الدغيلبي العتيبي