1 الله يسقيـك يـادار النبـي مـكـه=لك غاية في قلوب النـاس مكتوبـه
2 مير القلـوب الولايـف مالهافكـه=مدامها في لزوم الحـج مغصوبـه
3 والله يشرف جبال النـور منصكـه=مايمشي الشوف فيها لوعلى دوبـه
4 وانا خلصت ورميت بليس في صكه=وعلنت نية عهودالصـدق والتوبـه
5 مالي ومال الحجيج وعيشة الضكـه=خلوا سبيلي ترانـي طـاوي ثوبـه
6 أبيه ياخـذ مـداه بواسـع السكـه=يشفي غليل الضماير فايق سلوبـه
7 لاهف كنه يتـوع ويلعـب العكـه=وكن البرد في عيون الوجه وجنوبه
8 الله يسمح اقبال الجمس مـع تكـه=ويرحم عضام الجميح العود مندوبه
9 أنشهـد نـه يفـل القلـب ويدكـه=ويوصل ألي طراله بعـد محبوبـه
10 ملفاه شيخ يبيـد البـاب ماصكـه=من راس جدي طويل الباع محسوبه
11 ياشيخ قلبـي يضـم العلـم ويفكـه=لاذكرتني طـواري نجـد بترابـه
12 ودي بشوف النفود ومايـل الدكـه=لازل يوم الربـوع وزلـة النوبـه
13 ياقلب لاتشتحن خذها عـن الشكـه=لابد يوم يجـي يعجبـك مطلوبـه
الله اكبر
ونعم مليوووون بالشاعر / عبدالهادي بن عباس الدغيلبي
وصح لسانه ملااااييين على هذه الفذه النادره
لاهنت ياصاطي .. وبيّض الله وجهك
تحيتي
...
| التوقيع |
للتواصل عبر twitter تويتر
al_bargawy@ |