مصافحتي الاولى اهداء للهيلا وضيفها في صرحها

[الصاخرالشهراني]

الله ولا بعض الرفق والصداقه=وصداقة اللي مايقـدر صديقـه
صداقة اصحاب السعه والحماقه=صداقةٍ فيهـا العـداوة حقيقـه
ولو زيفوها بالنمـك واللباقـه=مثل السراب اللي يغرك بريقـه
سراب يخدع من يشوفه براقـه=يسعى له الضامي ولا بل ريقـه
فياللي مع الانذال تبني علاقـه=روحك وراك تسوقها للحريقـه
والرجل لو يحدا على كسر ساقه=وش له بناسٍ في خناها غريقه
والحر ماله فالمهونـات طاقـه=ومايحتمل للذل لو هـي دقيقـه
وكره يشيده في طويل الشهاه=باعلى مهايف الجروف المويقه
والرجل يخطب خوة اهل الطلاقه=اهل الفعايل والاصول العريقـه
حتى ليا صابه من الوقت فاقـه=تعمل على تفريج همه وضيقـه
وصديق شده من صداقة وثاقه=يعده صديقه في مثابة شقيقـه