الله ولا بعض الرفق والصداقه=وصداقة اللي مايقـدر صديقـه
صداقة اصحاب السعه والحماقه=صداقةٍ فيهـا العـداوة حقيقـه
ولو زيفوها بالنمـك واللباقـه=مثل السراب اللي يغرك بريقـه
سراب يخدع من يشوفه براقـه=يسعى له الضامي ولا بل ريقـه
فياللي مع الانذال تبني علاقـه=روحك وراك تسوقها للحريقـه
والرجل لو يحدا على كسر ساقه=وش له بناسٍ في خناها غريقه
والحر ماله فالمهونـات طاقـه=ومايحتمل للذل لو هـي دقيقـه
وكره يشيده في طويل الشهاه=باعلى مهايف الجروف المويقه
والرجل يخطب خوة اهل الطلاقه=اهل الفعايل والاصول العريقـه
حتى ليا صابه من الوقت فاقـه=تعمل على تفريج همه وضيقـه
وصديق شده من صداقة وثاقه=يعده صديقه في مثابة شقيقـه

المشاركة الأصلية كتبت بواسطة ظلام الليل (المشاركة 747759) صاخر الشهري صح السانك على هذه الجزله من شاعر جزل وهلابك مليون بين ربعك واخوانك وانشاء الله تجد مايسرك نحن في انتضار الابداع والتميز ... لك التحيه والاحترام