احمد الزايدي
أسلم والسلام المسلم الواجب يسلم به=هل الجنه تحيتهم سلام دوم يفشونـه
وحنا نقتدي با المصطفى واللي يعلم به=تمسكنا بدين الله وهبنا أرواحنا دونـه
ابو وافي العتيبي
هلا يامرحبا والعلم واضح كنـه لبـه=هل الجنة ليا سمعوا سلام الله يردونه
تحزم ياولد حامد وشوف اللي تحزم به=تري الأيام غدارة ودنيا الناس ملعونه
احمد الزايدي
يدوم الك البقا والدين يارجال أنا أحبـه=ونفسي في سعاده منه يا رجال ممنونـه
عسى الله يغفر أذنوب العباد وكل وذنبه=ودين الله يحفظ اللي يحفظه دوم ويصونه
ابو وافي العتيبي
بعد ماصار شاعر راح قلبه كنه الصبـه=لا يالله تيسر كل دين وتقضـي أديونـه
ترى ماخاب من هو ياولد زايد دعاء ربه=لكن المشكله من حط جمرة رأس غليونه
احمد الزايدي
يابو وافي علامك قمت ذلحينـه تعـذرب بـه=مع أنك بايع وشاري معـه والنـاس يقلونـه
ترى أكبر عيب عند الناس شاعر قدمك أتسبه=ومن مالام نفسه كيـف خلـق الله يلومونـه
ابو وافي العتيبي
ولا ياللي تلزم ماش به شـيءٍ تلـزم بـه=ترى من يقرب الدخان لازم تدمع أعيونـه
أنا مسب كيف سب رجـلٍ جنبـي بجنبـه=على هونك تري صاحبك دايم يمشي أبهونه
احمد الزايدي
أنا ماودي أنك يابو وافي تصبح السبه=وشيء قلته أنته قدم كل الناس يقر ونه
وكل يارجل وقت الاوازم سد في نبـه=وأنا مسرع وكل عارف قدره وقانونـه
ابو وافي العتيبي
وأنـا مـاودي أحمـد يرمـي ذلحيـن بالغبـه=وأشوف الموج من قدمه وأشوف الموج من دونه
تري الدكتور يعرف كل جـرح وعـارفٍ طبـه=وأنا مـاودي أعطيـك العـلاج اللـي تعرفونـه
احمد الزايدي
أنا سبـاح ماهـر فالبحـر ياعاجـز أطبـه=ومرجان البحر ماتعرفـه يارجـل وش لونـه
ترى الدكتور يصرف لك دوى في كل يوم حبه=وعلاجه يبري العله وكـل النـاس يطرونـه
« آخـــر الـــمـــشـــاركــــات »
18-Jun-2008, 09:48 PM
العرض الشجري