أسلم والسلام المسلم الواجب يسلم به=هل الجنه تحيتهم سلام دوم يفشونه
وحـنا نقتدي با المصطفى واللي يعلم به=تمسكنا بدين الله وهبنا أرواحنا دونه

هلا يامرحبا والعلم واضح كنه لبه = هل الجنة ليا سمعوا سلام الله يردونه
تحزم ياولد حامد وشوف اللي تحزم به = تري الأيام غدارة ودنيا الناس ملعونه

يدوم الك البقا والدين يارجال أنا أحبه=ونفسي في سعاده منه يا رجال ممنونه
عسى الله يغفر أذنوب العباد وكل وذنبه=ودين الله يحفظ اللي يحفظه دوم ويصونه

بعد ماصار شاعر راح قلبه كنه الصبه = لا يالله تيسر كل دين وتقضي أديونه
ترى ماخاب من هو ياولد زايد دعاء ربه = لكن المشكله من حط جمرة رأس غليونه

يابو وافي علامك قمت ذلحينه تعذرب به=مع أنك بايع وشاري معه والناس يقلونه
ترى أكبر عيب عند الناس شاعر قدمك أتسبه=ومن مالام نفسه كيف خلق الله يلومونه