شـــعـــــراء آخر زمن !!!

[علي فلاح العضياني]

السلام عليكم ورحمة الله وبركاته

اخواني الاعزاء
مناسبة هذه القصيده هي طلب منّي التسجيل في احد المنتديات وبعد ان سجّلت بدأت ببيتين في قسم المحاوره فرد عليّ احد الاعضاء يحمل تحت معرّفه كلمة شاعر فرد ببيتين لاتطابق ابياتي الآ في القافيه خاليه من الوزن والمعنى وبعد ان ابلغته بذلك تطاول عليّ بالكلام والاغرب من ذلك انّ اثنين من الجمهور يؤيّدونه في كلامه ..........

ثم طرت عليّ هذه اللي الابيات اللتي اتمنى ان تحوز على رضاكم

البارحه يا بدر نومي سواهيج=يوم انّ كلٍ مهتني في منامه
علمٍ طرالي هيّج البال تهييج=لومك على اللي ما يثمّن كلامه
ما هو كلام اهل العقول المراجيج=اللي بدو في راس ريع الندامه
الشعر صابه تالي الوقت تبنيج=ما عاد حتّى يرفعنّه عظامه
اسباب ناسٍ تعلج العلم تعليج=خلّوه يفقد قيمته واحترامه
تولّجوه إقصار الاشباح توليج=فيهم على ما قيل جهل و غشامه
عميّان... و ... حريول... و ... و ثالثهم ... صنيج=روس الثلاثه ما لها الاّ الحجامه
روسٍ عساها للحصيّ الدلاميج=من يد شجيعٍ ما يعرف الرخامه
اللي يدورج في مماشيه تدريج =يتعب ... و لا ياصل لغاية مرامه
عقله مع التفكير يزتاد تكليج=يجهل قوانين القصيد و نظامه
و أنا ليا منّي بغيت المناهيج=الشعر قسمي منه ذروة سنامه
من جامعة ( جزل التماثيل ) خرّيج=غير الشهاده قلّدوني وسامه
شعرٍ يتوّج فالمنصّات تتويج=ويصير له قيمه ... و ... هامه ... و ... قامه
اللي يعنّون الخيول المساريج=هم قدوتي والرجل يرفع مقامه
العقل مفتاح القفول المزاليج=والجهل ليلٍ مدلهمٍ ظلامه

التوقيع

(( رأس الحكمه مخافة الله ))