البارحه يا بدر نومي سواهيج=يوم انّ كلٍ مهتني في منامه
علمٍ طرالي هيّج البال تهييج=لومك على اللي ما يثمّن كلامه
ما هو كلام اهل العقول المراجيج=اللي بدو في راس ريع الندامه
الشعر صابه تالي الوقت تبنيج=ما عاد حتّى يرفعنّه عظامه
اسباب ناسٍ تعلج العلم تعليج=خلّوه يفقد قيمته واحترامه
تولّجوه إقصار الاشباح توليج=فيهم على ما قيل جهل و غشامه
عميّان... و ... حريول... و ... و ثالثهم ... صنيج=روس الثلاثه ما لها الاّ الحجامه
روسٍ عساها للحصيّ الدلاميج=من يد شجيعٍ ما يعرف الرخامه
اللي يدورج في مماشيه تدريج =يتعب ... و لا ياصل لغاية مرامه
عقله مع التفكير يزتاد تكليج=يجهل قوانين القصيد و نظامه
و أنا ليا منّي بغيت المناهيج=الشعر قسمي منه ذروة سنامه
من جامعة ( جزل التماثيل ) خرّيج=غير الشهاده قلّدوني وسامه
شعرٍ يتوّج فالمنصّات تتويج=ويصير له قيمه ... و ... هامه ... و ... قامه
اللي يعنّون الخيول المساريج=هم قدوتي والرجل يرفع مقامه
العقل مفتاح القفول المزاليج=والجهل ليلٍ مدلهمٍ ظلامه

أنــا لـيـا مـنّــي بـغـيـت المنـاهـيـج=الـشـعـر قـسـمـي مـنــه ذروة سـنـامـه
مــن جامـعـة ( جــزل التماثـيـل ) خـرّيـج=غـيــر الـشـهـاده قـلّـدونـي وســامــه
شـعــرٍ يـتــوّج فالمـنـصّـات تـتـويــج=ويصير له قيمـه ... و ... هامـه ... و ... قامـه
الـلــي يـعـنّـون الـخـيـول الـمـسـاريـج=هــم قـدوتـي والـرجـل يـرفــع مـقـامـه
الـعـقـل مـفـتـاح الـقـفـول الـمـزالـيـج=والـجـهـل لــيــلٍ مـدلـهــمٍ ظــلامــه

و أنــا لـيـا مـنّــي بـغـيـت المنـاهـيـج=الـشـعـر قـسـمـي مـنــه ذروة سـنـامـه
مــن جامـعـة ( جــزل التماثـيـل ) خـرّيـج=غـيــر الـشـهـاده قـلّـدونـي وســامــه
شـعــرٍ يـتــوّج فالمـنـصّـات تـتـويــج=ويصير له قيمـه ... و ... هامـه ... و ... قامـه