 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
|
|
أدوات الموضوع | انواع عرض الموضوع |
|
|
|
|
08-Aug-2007, 01:09 AM
|
رقم المشاركة : 1 | |||||
|
هنا محاورات الشاعر العلم شاعر عتيبه رشيد الزلامي
السلام عليكم ورحمة الله وبركاته
هنا موضوع جمعت أكثر محاورات الشاعر العلم الهرم العملاق الكبير دوري الفحص للشعراء صنفرة الشعراء هامور الشعراء الشاعر الكبير رشيد الزلامي تعريف بشاعرنا وهو غني عن التعريف فهو رشيد بن زيد الزلامي من من بيت الزلامي وهذه الاسره معروف بالشجاعه والفروسيه وهم شيوخ ذوي عالي من مزحم من الروقه من عتيبه وذاع جيتهم بين قبايل الحجاز ونجد وجميع انحاء القبايل وشاعرنا معروف بـــ أبو جميل ولديه من الاولاد جميل وتركي وغيرهم5 لايحضرني أسمائهم وابو جميل شاعر معروف بالنظم ذاعت له بعض القصايد الجزله وبعض المحاورات الللتي خلدت بالتاريخ اللتي لاينساها الشعراء ومتذوقي الشعر وشاعرنا عاصر جميع الاجيال ولقد لعب مع عمالقة الشعر أمثال محمد الجبرتي وهلال السيالي ومحمد بن تويم وأحمد الناصر ومطلق الثبيتي وجارالله السواط وصياف الحربي وسأل مره بلقاء سأله المذيع وقاله شاعر تمنيت ان تقابله ولم يحصل ذالك فقال عبدالله المسعودي واتوقع انهم لو تقابلوا لأصبحة محاورات من افضل المحاورات وشاعرنا سكن بالكويت فتره من الزمن ثم عاد إلى المملكه وهو الآن محافظ سديره بالحجاز وشاعرنا حصل له موقف فالكويت موقف لرشيد الزلامي عندما كان يعمل بالجيش الكويتي وفي يوم من الأيام كان هو مع عدد من زملائه في ساعات العمل وكان رشيد الزلامي على مكتبه ويتصفح مجلة على غلافها صورة الملك فهد بن عبدالعزيز عندما كان أميراً وكان زميله الكويتي ينتظر أن ينتهي / رشيد الزلامي من تصفح المجلة ليقرأها وأطال رشيد تمعنه لصورة الأمير / فهد بن عبدالعزيز وقال له زميله باللهجة العامية ( ماشبعت من شوفتك لمعزبك) فغضب رشيد الزلامي وأدخل المجلة بدرج الطاولة وقال برد قاسي مافيه مجلة ، فذهب الكويتي إلى مكتبه وأرسل من المراسل ورقة وفيها ثلاثة أبيات من الشعر وهي : حنا بدارٍ دلها صدر من ضاق == بلّغ سلامي للزلامي وقل له ياعابد الصورة على بيض الأوراق == دارك عرفناها وعلتك عله إن كان حبه محرقٍ قلبك إحراق == شد الرحال ودرب عمك تدله فإعترف رشيد الزلامي بقوة الأبيات وصلابتها وقال إنه لم يتوقع منه هذه لأبيات القوية ، فرد عليه رشيد بهذه الأبيات : أنتم بدارٍ دلها صـدر مـن ضـاق=وانا تخيّل صورته مخلـصٍ لـه ماتعرفونـه ياردييـن الأعـمـاق=هذا الفهد ذخر الفهـد فـي محلـه اللي لياشطـت ونشفـنّ الأريـاق=انت وانا ومعزبـك تحـت ظلـه وحنّا سعودييـن ياطـاق طربـاق=أحـرار ماعشنـا بعيشـة مذلـه رجالنا لو هو على مكسـر السـاق=حب الكـرم والوفـا عـادة لـه وأهل الحسد ماهم على باب الأرزاق=رزقي على كـوّن الكـون كلـه المحاورات::::::: ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ حبيّب: يارشيد انت امتكبر مـا تمـر ولا نمـرك ما تنازل غير مرّه واحده ماعرف سببهـا السفينه مبحره في البحر والموج ايتحرّك وان غفل عنها الدريول دفّها الموج وقلبها * * الزلامي: خايفٍ من مرّةٍ يالشاعر الناشي تضرّك خل الين اتشد رأس المرجله والا ذنبها والله انك يا حبيّب لو تكافي الناس شرّك اعتقد ما ضاقت الديره ولا شدّو عربها * * حبيّب: الزمان اللي ضحك لك بالثنايا لا يغـرك ثم تحسب انّك تخطّم قبلها وانت اتعقبها والله اني يالزلامي محتسي حلوك ومّرك نعنبوها لحيةٍ ما تحتمي ما قف شنبهـا * * الزلامي: يا حبيّب ما تبا منـا بريـره لـو نبـرّك طامعاَ في خزنة الدنيا تبا تسـرق ذهبهـا انت لو تمسك طريقك والعواصف ما تفرّك كان ذبّحت الرجال اللـي مثنيـةٍ ركبهـا * * حبيّب: ما بقى في خاطري يا كود علماَ ما يسرّك العلوم الطيّبه بالعلم الاول جيتـك ابهـا بعد علّمت العرب يابـو عـرب لله درّك ما بقى فوق العظام الباليات الا عصبهـا * * الزلامي: لو تموت الصبح قبل القايله ماونست حرّك اعتبرها حاجةَ رفرف لها الطير ونهبهـا يالزرار اللي بحلق الثوب لو حاولت ازرّك رحت من شاني تجيب المـوت (.......) * * حبيّب: مايهم اصل المهم انك عليـه مـا تفـرّك والله انك ما تخطب البنت من قبل انخطبها انت رجّالٍ على ذبح العرب قلبك يحـرّك ثم تزاحمك العرب بسلومها ساعة غضبها $$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $ عبدالله العير : سلام يا اصحابنا اللي جيتهم بالوعد=وانا لياجتني الدعوات لبيتها اصفى سما نجد لابارق ولامن رعد=وانا لمحت المزن ورعودها اوحيتها رشيد الزلامي : الله يحييك ترحيبٍ بليا عدد=قدمك رجالٍ ترحبك ليا جيتها بس المصيبه تجيهم وانت مامعك احد=قامت بك الارض واشتغلت عفاريتها عبدالله العير: البارحه يارشيد وليت الاول بعد=وشلون حال الجماعه يوم مريتها حنّا طراقي ولاحنّا من اهل البلد=لكن دعوتك هذي تعرف بويتها رشيد الزلامي : ان كان تنشد جماعتنا بحال السعد=ومطير ماهي على الدرب وتعديتها وش رايكم في عجوز بليس جابت ولد=واليا اسر الله ضحكتك وبكيتها عبدالله العير : الله ولا النشده اللي تاليتها نكد=وشلون موجتك للمطران فريتها اللي عطتك البريره وانت وسط المهد=قالوا لي انك بعد شيّبت جازيتها رشيد الزلامي : الله يعلم رشيد وقصده اللي قصد=مطير من قبل جيراني وحبيتها لاتحفر المقبره يطبق عليك اللحد=واللي عطتني البريره جيت وارضيتها عبدالله العير: الليله انته بعيرٍ تنتظم وتهبد=ماتنتثنّى يدينك مير ثنيتها اللي عطتك البريره حظها منقرد=عرضتها لاهب الكنّه وخليتها رشيد الزلامي : الموج اشوفه طفح والبحر جاله زبد=لكنّ ذيك البضاعه وين وديتها فزعتك عشرين واللي طاح واللي قعد=وخمخمتها في ظلام الليل واخطيتها عبدالله العير : حطيتها في بيوتٍ جودت بالعمد=وانته تباها لكنّك ماتحليتها الله يعذبك كيف اشغلتني بالنشد=عن حرجةٍ تطلب الميته وذكيتها رشيد الزلامي : اقول سبحانك الخلاق فردٍ صمد=عيون فتحتها وعيونٍ اعميتها يالعير دم الخواجه ماع مدري جمد=وارد عراوي دخل ماها على زيتها عبدالله العير : الله ليا راد له حاجه بليا جهد=حرّم عليك الزقاره وانت كنيتها ماعاد عند الخواجه دم كله نفد=اتعبت رجلك على دربه وعنيتها %%%%%%%%%%%%%%%%%%%%%%%%%%%%%% ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ ( رشيد الزلامي ) أشوف الليل طرّف وإسمحولي ياهل الحلة على دربي حصاتن ودي أقلعها وأكسرها أنا أضن السناني لوضمي شرب البحركلة ولو شرب البحر شاعرجهينه عاد دبرها ( محمد السناني ) أشوف الليل طرّف وش يخارجني من العلة على دربك جبل يضرب عتابه مع مناخرها أبو زيد الزلامي لودخل لصين يحتلة ولكن باقي العتبان من يقدر يسفرها ( رشيد الزلامي ) ياليتك في المدينه تحكر البراد والدلة بعيدن عن مطير إللي قبل حمرن نواضرها ليا دندن رعدها وأصبحت غترتك مبتلة ترى واحد عتيبي يحكم جهينه عن آخرها ( محمد السناني ) ياليت الله عطاك الحظ وإن رشحك لشلة تقص أشنابها ولا تقلّم رؤوس أضافرها على شأن الزعامه زل حظك وأبعد الزلّة يالين إنه وقع في حفرتن في الأرض حافرها (رشيد الزلامي ) هذي كلمت زعل لكن تزعل ويش تزعلة هثر بعض العرب بالمزح أسندهاوأحدرها تحسب إن الزلامي مرتبك ويخاف من ظلة الأحسن روح مالك عندنا حاجه تدورها ( محمد السناني ) ليا صار الغلط من رجل لامذهب ولاملة ترى العقال يابوزيد مايجرح مشاعرها أعرف إن الزلامي شيخ لاميلة ولاخلة لكنه جابلة كسبه على رأسه يدحدرها ( رشيد الزلامي ) أنا أبا أعطيك شئٍ يعجبك مايعجبك خلة نبي نعطيك غزّه بس شرط إنك تحررها ليا أذن لك بلال وحان وقت الفرض قم صلة ترى النيه سليمه وأنت عارفها وخابرها ( محمد السناني ) ترى شارون واقف دونها وانته كفيل إلة لكن غزّه نصيبك والعجم شدت مؤازرها %%%%%%%%%%%%%%%%%%%%%%%%%%%%%% ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ الزلامي على خيرة الله جيت اعلم واريـد اعلـوم=واخيـل سحابـة يجهرالعيـن بارقـهـا وانا اشوف بالقمة تكاثف سبـور القـوم=خلـف يجمـع القـوة ومطلـق يفرقهـا الثبيتي عسى خير ياطير علينا كسـرت الحـوم=نبـا نعـرف الساعةونحسـب دقايقـهـا انامااعرف الظالم وانامعـرف المظلـوم=ولاشفت نورالشمـس مـن يـم مشرقهـا الزلامي غزيت امس يامطلق وحنا غزينـا اليـوم=لكنـك تسابـق كـل غـزوة وتسبقهـا وانا لو ابيح بسر فـي خاطـري مكتـوم=اظنـك تشـب النـار والنـاس تحرقهـا الثبيتي ليا مات منكم واحـد قلـت يـا مرحـوم=ومـن يسـرق العربـان لابـد نسرقهـا تراك البلاوالشر يـا الفيـل ابـو زلـوم=تسـوق المطيـة ليـن ذابـت مطارقهـا الزلامي انا لو اطيعك ما بقى في سمـاك انجـوم= الـك نيـة فـي الكـون ودك تحققـهـا على الحر الاشقردايـم عفشكـم محـزوم =ولك بنـدق فـي راس كـورك معلقهـا الثبيتي يروح النميري مير ما يتـرك الخرطـوم =ومـن يعـرف الخرطـوم لابديعشقـهـا انا كيف ابا اصبر فوق ريح البصل والثوم=وابااروح عن بعض المشاكـل وافارقهـا الزلامي انا خابـر قلبـك معلـق باخـوك التـوم=تطير الطيور وصبـح ترجـع وتلحقهـا تحاول على صـم الصفاتحلـق المعـدوم=واذاعـتـك لوجـابـت نبامانصدقـهـا الثبيتي ترى العود ما يصبرعن الفـاس والقـدوم=لكـن الثيـاب الضافـيـه لا تشققـهـا يميع اللحـام وينقطـع سلكـك الملحـوم=وتركب علـى ظهـر السفينـه وتغرقهـا الزلامي لياصحت ولا نحت مالك عـن المقسـوم=لعله السفر وارد مـع الـراوي واردهـا بعد جبت لك سمن وعسل جبت لي جرثوم=وسلعـه تجمركهـا وسلـعـه تفرقـهـا الثبيتي انا لي هدف فيكم ولي دربـي المرسـوم=ابي اصبر عليهـا ليـن تبـدي حقايقهـا زرعت النخل واسقيـه لكـن عـود دوم=بعـد ضايقتنـي عسـى الله يضايقـهـا @@@@@@@@@@@@@@@@@@@@@@@@@@@@@@@@@@@@@@@@@@@ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ الـــــــــــــزلامــــــــــــــي يا سلامي ها السلام اللي خفيف ٍ دمّه معه جنسية ويبغى له جواز سعودي مشكلة صياف صارت بين ابوه وعمّه والسبب ناس ٍ تدق الملح والبارودي الـــــــــحـــــــــربـــــــــي مرحبا بالشاعر اللي ما قدرت آذمّه الليالي ما تغيّر والزمان ايعـودي الزلامي معه علم وكل شي ايهمّـه مير لو يزعل تغيّره الليال السودي الـــــــــــــزلامــــــــــــــي كيف تدلي بالشهادة يـا كبيـر الذمّـه وأنت ما شب الك ضوّك غير قدح زنودي صرت مثل اللي كبر وانكر لبن ديس امّه والعرب فالصيف تعرف عدها المارودي الـــــــــحـــــــــربـــــــــي العلوم اللي تحط النـاس راس القمّـه حبلها من يمكم يا صاحبـي معقـودي ثوبك اللي ما ينوش الأرض غير ابكمّه نزله للجمرة اللي فوق راس العـودي الـــــــــــــزلامــــــــــــــي ودي اكشف غلطتك للعالـم الملتمّـه أنت حربياً تطالبني بـورث اجـدودي يا محبين العقـال ومنكريـن العمّـه خصمكم في الآخرة عبد الله المسعودي الـــــــــحـــــــــربـــــــــي أنتم رجال الشرف وعظامكم منسمّه أعبروا ذاك الطريق وحملكم مشدودي أنت ما تدري عن البارود لين اتشمّه مير لا ترمي بها فالوادي المسدودي الـــــــــــــزلامــــــــــــــي لوّ يا صياف علمي تمسكه وتضمّه تاجده مثل العسل وألا حليب القودي أنت تحسب جدنا داب يموت بسمّـه مير أنا باذل لنصره طاقتي وجهودي الـــــــــحـــــــــربـــــــــي يقطع الله بيرك اللي ما يعرف الجمّه والتجارة يالعتيبي بابها محـدودي قبرك اللي في تهامه بالتراب اندمّه تحفره بالليل الأظلم والعباد رقودي يتبع,>>>>>>>>>>>>> آخر تعديل سعود النفيعي يوم 08-Aug-2007 في 01:31 AM.
|
|||||
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض الشجري