قصائد قيلت في الشيخ ماجد بن شجعان اباالعلا(لوفان)

[عاشق الصمان]

وقد وردتني أبيات لـ الشاعر/ شعيان بن فلاح العصيمي ثناء بالشيخ/ ماجد بن شجعان

كفو يأبو شجعان باللي فعلته
فعلٍ جميل وتستحق الزعامة
نخاك يوسف واحتزمة ونصفته
عند الملوك أهل الكرم والشهامة
رفعت راسه بين ربعه رفعته
والحر مايسكن بعش الحمامة
حرٍ نداوي مسكنه ماجهلته
بين القبيله لين يعرف مقامه
فعلك مع رجال الوفاء لابذلته
يحط يا ماجد براسك علامة
علامةٍ بالطيب لا من قطفته
يدريبها اللي ما اكتمل في فطامه
وعليك من شجعان لا من وصفته
شكل وفعل وايضا كسته القرامه
وعليك من مانع اليا من ذكرته
هامه وقامة وانفعال وحدامه
وآخر كلامي يا أميري ختمته
بأزكى تحيات الفخر والشهامة
والمعذره يا أميري فيما كتبته
من نقد والا من علوم الملامه

وأيضاَ قصيدة الشاعر خالد بن شاعي العصيمي:

مثلك يأبن شجعان بالطيب مذكور
بيمنا الكرم والا السيوف الصقيله
مجدٍ بزغ نوره على كل منظور
الطيب قسمة والمكارم حصيلة
شيخٍ اليا لحق الخطر كل مظهور
يذود عنه وحاميٍ له قبيله
درع وحجا يذري وللقاصره سور
يدرا عليها والمواقف جزيلة
أبا العلا بالمجد إله والوفاء دور
سم العدى عسى سنينه طويلة

وقصيدة شاعر لايحضرني أسمه:

قالوا ماجد قلت له كل إحترامي
ابلجٍ في الموقف الصعب اعتزيبه
قالوا ماجد في سنام المجد سامي
قلت حرٍ ما كره راس الجذيبه
قالوا ماجد كنه الحر القطامي
قلت من غيره مضاريبه عطيبه
امدحه والمدح في غيره حرامي
والله أن المدح في غيره مصيبه
يا رفيع الشان يا عالي المقامي
إلك فزعه وإلك سطوه والك هيبه
يا كعام الالخصم في يوم الزحامي
ياعلويٍ فاللقاء يذبح حريبه
شيخنا مجلسك فالصف الأمامي
آخذه يا شامخ الهامه غصيبه
لاذكرت أسمك غدت كل الأسامي
والبعيدة لانخيتك جت قريبه
أنت أبو شجعان مروي كل ضامي
وأنت متعب قوم وتحب التعيبه
وأنت أخو جوزاء حشيمً من حشامي
مطوع العسرات ماترضى الغليبه
يا سلام الله عليكم يا سلامي
يا شيوخ العز متعبة النجيبة