ابراهيم الشيخي + عبدالحميد الفهمي ( تدري أنا عشيره مانهاب العشاير )

[نبض الكلام]

ابراهيم الشيخي



ياسلامي سلام مثل بيض السراير = يبعد ابليس واللي يتبع ابليس عنها

لو يبطى الذهب في السوق ماهو بباير = سلعة لين يوم الحشر غالي ثمنها






عبدالحميد الفهمي

مرحبا بك تحيه مثل حي الضماير = وان حي الضماير كلها الخير منها

بعض الايام يحصل فيه بعض الخساير = عادة ايامنا وايامنا من يمنها






ابراهيم الشيخي

يافهم والصدور تفوح والدم فاير = والغميقه تضايق شامها من يمنها

اثر عبدالحميد اللي يجر الجراير = كل ما ينتهي شحن البطاقه شحنها






عبدالحميد الفهمي

انته امقيم يا ابراهيم والا انت زاير = ما تحب العرب في دوقه الا دخنها

يالله اني دخيلك كيف تعمى البصاير = العرب تعرفون احسينها من حسنها






ابراهيم الشيخي

للمصايب نذير وللفوايد بشاير = بان صغر الذبيحه لو تكبر صحنها

احسب احساب للمنكاف لا جيت غاير = مانت لاقي جنازه بارده في كفنها






عبدالحميد الفهمي

هوشة عالميه من علوم النظاير = ما عرفت امرها واهل الوطن في وطنها

في المعاصي صغار وفي المعاصي كباير = والجنازه ترى شاري كفنها دفنها






ابراهيم الشيخي

زند يقدح وراس أصوك وبارود ثاير = حقق شروطها قدام تامر وتنها

خصمك اللي يشيل الحمل والحمل جاير = ما بقي في رويسك حبة ما طحنها






عبدالحميد الفهمي

تدري إنا عشيره مانهاب العشاير = والزهارين نعرفها ونعرف لحنها

فيه بعض الوسامه له سلوب مغاير = لين غرر ضعيفن القلوب وفتنها






ابراهيم الشيخي

ما حسبنا لعميان البصر والبصاير = دارهم ناخذ الجزيه على اللي سكنها

لا تشبه بهرج اللي تكد الظفاير = ارفع النفس والأجواد لا تمتحنها






عبدالحميد الفهمي

بان بعض الامور وبان بعض الاماير = مير كلمتك زينها معانا وزنها

آخر تعديل نبض الكلام يوم 31-Jul-2012 في 04:43 AM.