|
ابراهيم الشيخي + عبدالحميد الفهمي ( تدري أنا عشيره مانهاب العشاير )
ابراهيم الشيخي ياسلامي سلام مثل بيض السراير = يبعد ابليس واللي يتبع ابليس عنها لو يبطى الذهب في السوق ماهو بباير = سلعة لين يوم الحشر غالي ثمنها عبدالحميد الفهمي مرحبا بك تحيه مثل حي الضماير = وان حي الضماير كلها الخير منها بعض الايام يحصل فيه بعض الخساير = عادة ايامنا وايامنا من يمنها ابراهيم الشيخي يافهم والصدور تفوح والدم فاير = والغميقه تضايق شامها من يمنها اثر عبدالحميد اللي يجر الجراير = كل ما ينتهي شحن البطاقه شحنها عبدالحميد الفهمي انته امقيم يا ابراهيم والا انت زاير = ما تحب العرب في دوقه الا دخنها يالله اني دخيلك كيف تعمى البصاير = العرب تعرفون احسينها من حسنها ابراهيم الشيخي للمصايب نذير وللفوايد بشاير = بان صغر الذبيحه لو تكبر صحنها احسب احساب للمنكاف لا جيت غاير = مانت لاقي جنازه بارده في كفنها عبدالحميد الفهمي هوشة عالميه من علوم النظاير = ما عرفت امرها واهل الوطن في وطنها في المعاصي صغار وفي المعاصي كباير = والجنازه ترى شاري كفنها دفنها ابراهيم الشيخي زند يقدح وراس أصوك وبارود ثاير = حقق شروطها قدام تامر وتنها خصمك اللي يشيل الحمل والحمل جاير = ما بقي في رويسك حبة ما طحنها عبدالحميد الفهمي تدري إنا عشيره مانهاب العشاير = والزهارين نعرفها ونعرف لحنها فيه بعض الوسامه له سلوب مغاير = لين غرر ضعيفن القلوب وفتنها ابراهيم الشيخي ما حسبنا لعميان البصر والبصاير = دارهم ناخذ الجزيه على اللي سكنها لا تشبه بهرج اللي تكد الظفاير = ارفع النفس والأجواد لا تمتحنها عبدالحميد الفهمي بان بعض الامور وبان بعض الاماير = مير كلمتك زينها معانا وزنها |
شعار كبار وطاروق ماعليه كلام
|
شعراء كبار
وشعر قمة إلا آخربيت للشيخي والي قبل الآخير للفهمي فيها نزول نحن الشاعرين منها والمعنى إن صدق ظني حول الشيعة ونمر النمر والله أعلم ..... |
فيه بعض الوسامه له سلوب مغاير = لين غرر ضعيفن القلوب وفتنها
هههههههههههه الفهمي يعجبني فالمحاورات صحة السن الشعار الشاعر خالد العصيمي والشاعر الفهمي السنين القادمه لهم شعار يمشون صح |
احسب احساب للمنكاف لا جيت غاير = مانت لاقي جنازه بارده في كفنها
في المعاصي صغار وفي المعاصي كباير = والجنازه ترى شاري كفنها دفنها زند يقدح وراس أصوك وبارود ثاير = حقق شروطها قدام تامر وتنها تدري إنا عشيره مانهاب العشاير = والزهارين نعرفها ونعرف لحنها فيه بعض الوسامه له سلوب مغاير = لين غرر ضعيفن القلوب وفتنها لا تشبه بهرج اللي تكد الظفاير = ارفع النفس والأجواد لا تمتحنها ههههههههههههههههههههههه الله مبدعين وان ماخاب ضني ان يربطهم صداقه قويه اوزماله خبيثين ومحترفين بماتعنيه الكلمه ههههههههههههههههههههههههههه |
ابداع من الشاعرين
سعيد: تذكرني بأخ لنا من قبيلة مطير العزيزة كان يسرح ويمرح هنا واختفى نسأل ان يكون بخير وعافيه. |
اقتباس:
مالك لوي انا من ثبيت |
صح لسان فهد اعوذ بالله من سعيد أقصد الشعار
|
اقتباس:
الا يكفي هذا يفهد هههههههههههههههه |
نبض الكلام تاكد ان اشاعر خصيم الشيخي هو الفهمي انا اعتقد ان مستوى الفهمي افضل بمليون درحه من هذا الشاعر او ان هناك مشكله في النقل تحياتي لك
|
| الساعة الآن »03:08 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd