حبيب العازمي وصقر سليم هجااااد ليل

[علي الثبيتي]

المشاركة الأصلية كتبت بواسطة مساعد المطيري

طاروق رائع وابو فيصل مبدع ومايحتاج احد يدافع عنه !!

والحقيقه كلام النمشي في محلّه
وبعدين ياجماعه ترى الشعراء مو منزهين عن الاخطاء

فيه بيت لــ حبيب اذكره فيه خطأ وقال البيت في محاوره مع صياف رحمه الله ولكن ما يقلل من شاعريته نهائي

خل ذيك المطيه جعلها ماتعود
انته اللي بنيت البيت من صوفها ,,

طبعآ الخطأ واضح في البيت صح يا علي


يعني يالربع على هونكم ترى علي الثبيتي ركّز على الابيات وحصّل الخطأ وغيره يدخل ويمدح بالشاعر وهو ماقرى شي !

حياك الله يامساعد وكلامك صحيح الشعار ماهم منزهين عن الخطاء

وكل جواد له كبوه ولكن في الاونه الاخيره نرى شعار كبار في الساحه نزل مستواهم الشعري

والسبب الاول والاخير بعض الجماهير المتعصبين لشاعر معين واكثرهم لايفهمون من المحاوره الا الوزن والقافيه

وتراني وانا خوك ما اتعامل مع الاسماء مثل بعض الاشخاص انا اتعامل مع البيت مايهمني الشاعر عتيبي مطيري حربي الخ ولا احب المجامله والعنصريه


ودي وتقديري لك