حبيب العازمي وصقر سليم هجااااد ليل
 

صقر سليم

... البدايه بالسلام وكل مايطري بعد !!! سلام ياقوم ن كرمها من زمان جدودها


خيل على الروقه خيال ن فيه براق ورعد !!! واللي يشوف بروقها واللي سمع برعودها



حبيب

عند البدايه والنهايه نذكر الفرد الصمد !!! يامرحبا ترحيبة ن دايم حضور شهودها


خيل خيال وقدمه خيال ن عزاويه البرد !!! ينزل على روس الجبال اللي تصيح قرودها



صقر سليم

اللي تجيبه في نهار السبت ياتيك الاحد !!! عندك فتايلها وحنا محضرين زنودها


اتقولها يالعازمي وانته جنازه في لحد !!! واللي تبا تبكيك من يمسح دموع خدودها



حبيب

العافيه ياطيبها والحرب يبغاله ولد !!! لاعاد تبحث نارك اللي مايدخن عودها


ان كان تبكي من سليم اصبر وتبشر بالسعد !!! اما مسحت خدودها والا مسحت نهودها



صقر سليم

يوم الحروب احد ن ثبت في منزله واحد ن شرد !!! مايتفق فالناس طاردها ولا مطرودها


بين العوازم ياوسيع العرف مايبكيك احد !!! وانته تصرف سوقها فالدرب والا قودها



حبيب

هذا كلامك عقب جنبك من مياسمنا برد !!! وليا عطيتك ضربة ن وحده ماعاد تعودها


ان كان طامع فالعوازم ياصقر ضاع الجهد !!! ابك انت تنقز فالرواسي ماتقض حيودها



صقر سليم

ياشاعر العتبان تبني لك بيوت بلا عمد !!! وسليم لو تكثر علومك ماتبيح سدودها


....تاصل السلمان لارسم لك وعد !!! ابك انت تزحف فالصحاري ماقطعت حيودها



حبيب

.....البني دام البني اخير من الهدد !!! انته تزهب بندقك مير انكفى بارودها


والله ثم والله لولا اللي يحكمون البلد !!! لاصبح السلمان واخذ من ثياب رقودها



صقر سليم

البني مايصلح على الساس الضعيف المرتعد !!! لو كان تعمرها يشوفون العرب منقودها


تبارك الله جعل ماتنظر لك عيون الحسد !!! تحلف بربك وانت مانتب قدها وقدودها



حبيب

مافالعرين الا الاسد وانت سلمي مانته ب اسد !!! وام الكباير كم سميتوا على مولودها


بالله لاتعطي وتاخذ للعرب مالم تجد !!! انت ونعم واقدام رجلينك ياقصر قيودها



صقر سليم

راحت عليك الاوله ثم صرت نفاثة عقد !!! تعقد على راسك حبال ماتحل عقودها


انتم من اول طيبين وحظكم قام وقعد !!! ثم انسدح واصبح جنازه واللحود حدودها




وهنا بالصوت والصوره



http://www.youtube.com/watch?v=S0lJRVWjfU8

طاروق رائع لاهنت يالغالي

عز الله هجاد ليل





لاهنت يالمرشدي

لاعاد تبحث نارك اللي مايدخن عودها

لي ملاحظه على هذا الشطر من ناحية التركيب






ان كان تبكي من سليم اصبر وتبشر بالسعد !!! اما مسحت خدودها والا مسحت نهودها


استغلها حبيب صح وقلب البيت على صقر

مشكور يالمرشدي

وضح الخلل في التركيب يالعود




اما انك تلقي بالكلام هكذا





ما يصلح

حقيقة ان صقر سليم داهية

و يفحم خصمه و هو بحر لاينقصه الغراااااف

ممكن تجاوبني ياستاذ ماجد

اقوى النار اللي يدخن عودها والا النار اللي مايدخن عودها

على شان اوضح لك

يقول المثل مافيه نار بدون دخان

يعني اذا ماكان فيه دخان معناته مافيه نار

لهذا حبيب يقول لصقر نارك طافيه (مدفونه ومنتهيه)