ياليت لطيب علامات ووسوم..الشاعر صالح عقاب الغبيوي

[أبو مرحبا]

السلام عليكم ورحمة الله وبركاتة


أخواني الاعزاء هذه قصيدة جديده لشاعر صالح عقاب الخريص الغبيوي

يسندها على رجل الاعمال زايد فلاح النفيعي

الصاحب ألي مايسدك فالزوم=جنب وخله لا تعده لك صديق
دور على اللي عند حاجاتك يقوم=حطه على يمناك صدرك مايضيق
عيبن على الطيب يخاوي له رخوم=ماهم كفو والمدح فيهم مايليق
لا جاهم الطرقي مسير ومعزوم=يشتب في قلبه من الضيقه حريق
يرمونه بعين الحسد رمي السهوم=يطيح من هالعين طيحه مايفيق
ماعندهم غير السوالف والعلوم=وعند الصمايل كلهم راحو طقيق
لوك تعرض الطيب مامنهم يسوم=رخوم ملتفين فالحبل الوثيق
ناس على الزلات يازايد تحوم=احذر تسولف عندهم خلك دقيق
لو قلت انا ماخطي ترا منت معصوم=انته بشر رحال والدنيا طريق
احذر عدوك يوم والاصحاب دوم=في زلت الاصحاب لايمكن تطيق
العز والنوماس في عرف القروم=الكل منهم ودك تحطه شقيق
لاجيتهم ماكنك الا شيخ قوم=من دلة الرسلان تشرب والبريق
تامر وتنهي وانت طرقي ومخدوم=مثل الجنود بخدمتك وانته فريق
ناس تنسيك المشاكل والهموم=رفيع قدرك عندهم كنك طويق
أهل الكرم وأهل الوفاء وأهل السلوم=ياليت منزلهم ومنزالي لصيق
أحبهم حب يتكاثر كل يوم=وانا لخوة طيب السيره عشيق
ياليت لطيب علامات ووسوم=حتى نميز راعي الوجه الطليق
وأختامها صلوا على سيد العموم=محمد المرسل من البيت العتيق

أتمنى ان تنال على أعجابكم


أخوكم..أبو مرحبا

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي