الصاحب ألي مايسدك فالزوم=جنب وخله لا تعده لك صديق
دور على اللي عند حاجاتك يقوم=حطه على يمناك صدرك مايضيق
عيبن على الطيب يخاوي له رخوم=ماهم كفو والمدح فيهم مايليق
لا جاهم الطرقي مسير ومعزوم=يشتب في قلبه من الضيقه حريق
يرمونه بعين الحسد رمي السهوم=يطيح من هالعين طيحه مايفيق
ماعندهم غير السوالف والعلوم=وعند الصمايل كلهم راحو طقيق
لوك تعرض الطيب مامنهم يسوم=رخوم ملتفين فالحبل الوثيق
ناس على الزلات يازايد تحوم=احذر تسولف عندهم خلك دقيق
لو قلت انا ماخطي ترا منت معصوم=انته بشر رحال والدنيا طريق
احذر عدوك يوم والاصحاب دوم=في زلت الاصحاب لايمكن تطيق
العز والنوماس في عرف القروم=الكل منهم ودك تحطه شقيق
لاجيتهم ماكنك الا شيخ قوم=من دلة الرسلان تشرب والبريق
تامر وتنهي وانت طرقي ومخدوم=مثل الجنود بخدمتك وانته فريق
ناس تنسيك المشاكل والهموم=رفيع قدرك عندهم كنك طويق
أهل الكرم وأهل الوفاء وأهل السلوم=ياليت منزلهم ومنزالي لصيق
أحبهم حب يتكاثر كل يوم=وانا لخوة طيب السيره عشيق
ياليت لطيب علامات ووسوم=حتى نميز راعي الوجه الطليق
وأختامها صلوا على سيد العموم=محمد المرسل من البيت العتيق

المشاركة الأصلية كتبت بواسطة محمد العتيبي (المشاركة 1117952) صح الله لسااانه وشكرا يالغالي على النقل الرائع .. تحيتي لك ..

المشاركة الأصلية كتبت بواسطة ابن بشيّر (المشاركة 1118318) صح لسان الشاعر صالح الغبيوي ولاهنت يابو مرحبا على اتحافنا بهذه الرائعه تحياتي لك

المشاركة الأصلية كتبت بواسطة مشاري الحبردي (المشاركة 1118343) صح لسان صالح وسلمت يابو مرحبا