بسم الله الرحمن الرحيم
القاف زان وزان بدع الطواريق= وفكري لجزلات الطواريق رايق
استرسلت والله ولي التوافيق= ولالي لك الله دونها اليوم عايق
ابدي بقافي فوق روس الشواهيق=شم الهضاب بروسهنه موايق
اشوم عن هزله واكب التلافيق= ماني بمن دايم بيوته لفايق
محشمن قافي عن الخيق والبيق=عهدٍ علي مااجيبهنه خلايق
ياحسين بن فياض منصا المطاليق= ياراعي الفزعه حسين الطرايق
وراي اشوف اليوم بعض المخاليق= ماعاد تلزمهم عهود ووثايق
اثر الردي لوكان يعط المواثيق=لابد مع دورات الايام بايق
ساس الردي ساسٍ على غير توثيق=جرفن يغر الي عليه ايتهايق
ميرالردى باهل الردى لازم يحيق=يرجع عليهم تالي الوقت حايق
سود اليالي يكشفن المطافيق= لاطالت المده تبين الحقايق
ياليت في وجيه الاوادم تفاريق= بين الشلي والاش تفرق فرايق
تجاربي ياحسين خلتني افيق= واكثر عباد الله ماهوب فايق
اليا غزانا الهم وايبس بنا الريق= وامسا الفواد من الهموم متضايق
باب الفرج يفتح ليا استحكم الضيق= ما نشتحن والله ولي الخلايق
قل للضعوف الي تسابق تسابيق= على الردى والروس فيها شقايق
ما دام به دم يرود المعاليق = والراس صاحي للمواقيف تايق
الحر في كفه تلوح المسابيق=ويشوق راسه للشواهيق شايق
« آخـــر الـــمـــشـــاركــــات »
17-Oct-2010, 07:17 PM
القاف زان وزان بدع الطواريق
العرض الشجري