[طلال ناشي]

ابدي بقافي فوق روس الشواهيـق = شم الهضـاب بروسهنـه موايـق
اشوم عن هزله واكـب التلافيـق = ماني بمـن دايـم بيوتـه لفايـق
محشمن قافي عن الخيـق والبيـق = عهـدٍ علـي مااجيبهنـه خلايـق
ياحسين بن فياض منصا المطاليق = ياراعي الفزعه حسيـن الطرايـق
وراي اشوف اليوم بعض المخاليق = ماعـاد تلزمهـم عهـود ووثايـق
اثر الردي لوكان يعـط المواثيـق = لابـد مـع دورات الايـام بايـق
ساس الردي ساسٍ على غير توثيق = جرفن يغر الـي عليـه ايتهايـق
ميرالردى باهل الردى لازم يحيق = يرجع عليهم تالي الوقـت حايـق
سـود اليالـي يكشفـن المطافيـق = لاطالـت المـده تبيـن الحقايـق
ياليت في وجيـه الاوادم تفاريـق = بين الشلي والاش تفـرق فرايـق
تجاربي ياحسيـن خلتنـي افيـق = واكثر عبـاد الله ماهـوب فايـق
اليا غزانا الهم وايبس بنـا الريـق = وامسا الفواد من الهموم متضايـق
باب الفرج يفتح ليا استحكم الضيق = ما نشتحـن والله ولـي الخلايـق

الله الله الله

الله الله


صح ألساااااااانك ياشامااااااان

على هذه الباذخه الشعريه

ولا فض فوك

أرفع لك القبعة أمام نصك الرااااائع

شامت لك الشرد ياشامان

تقبل مروري

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com