الاجازة الصيفية (احد مصيفة في نسانيس قسيون..واحد هواجر نجد أدمت شفاته)

[برررق الحيا]

السلام عليكم ورحمة الله وبركاته

هذه أبيات متواضعة كتبتها قدوم بمناسبة الاجازة الصيفيةواشتداد الحر والبحث عن المصايف وقبيل رحيل نو التويبع ...

عسى الله يستر علانا وعلى المسلمين

أترك لكم القصيدة متقبلا آراؤكم وانتقاداتكم وتراني توي صغير وبادي فالشعر


ه

هاض الفكر والقاف أقبل على الهون=دن القلم ياسعود والبوك هاته
وسجل اطروق اللي من الوقت مطعون=تبكيه ميلات الدهر وانفلاته
يوم البوارح بيحت كل مكنون=ونوء التويبع قام يجمع شتاته
أحدٍ مصيفه في نسانيس قاسيون=وأحدٍ هواجر نجد أدمت شفاته
وأحدٍ اصدوره من ينابيع واعيون=واحدٍ هماج البير يلطع لهاته
هذي هي الدنيا مواويل والحون=احدٍ ضحك واحدٍ تهل اعبراته
اليا أقبلت سادت بأهلها على الكون=لو هو ردي الذات سادت بذاته
وإن أدبرت منها السلاطين يبكون=اللي خضع واللي جزع في مباته
عقب القصور النايفة بات بسجون=وعاش المذلة في بقية حياته
دنيا دنية تعطي العهد واتخون=خداعةٍ تحتال بعقل وسماته
بنتٍ حسينه وعشقها زيف واجنون=في ثغرها الفتان خبث وشماته
كم عاشقٍ في حبها هام مفتون=يلهث وراها لين حزة وفاته
ملعونةٍ واللي بها صار ملعون=إلا ذكر رب البرية وصفاته
والمهتني فيها عرف شاسع البون=بين اللعينه وبين ربحه وغناته
وأقبل بدمع العين نادم ومحزون=يرجي رضا ربه ويرجي نجاته
وصلى فروضه وابتهل يطلب العون=وصام رمضان ثم حج وأدى زكاته
ماغرته دنيا بها العبد مشطون=فوزه بدار الخلد غاية مناته

وسلامتكم

برق الحيا

الاربعاء 18/7/1431هـ
30/6/2010