( عتيبة - مطير ) في النت

[ابن مصلح]

حبّيت ان انزّل لكم هاتين المحاورتين او هالطاروقين بين شاعر من عتيبة وشاعر من قبيلة مطير ............................................ .......

والهذف من تنزبلها هو ان نلاحظ جميعا ان شعر الردّ بين هاتين القبيلتين له فاكهة خاصة ومعنى ثمين وتذوّق لا يعلى عليه .... أرجوا من اخواني المشرفين عدم حذفها الاّ بعد مشاهدة شعراء هذا المنتدى العظيم ...


وهذه المحاورة الأولى ..

عبدالمجيد العطاوي

يامنتدى القلطة سلام الله على من شرّفـوك =تسليمةٍ تنثر على اللّي شرّفـوك أطيابهـا
يابو سطا فكّ الغطا والهرج ما حوله شكوك =عطنا علومك والعلوم الطيّبـة لأصحابهـا

ابو سطا المطيري

يامرحبا ترحيب من اقصى سدير ليا تبوك =تكفي جميع الي لفا والـي كمـاك اولابهـا
ان كان نارك ولعت يالطيب الوضع محبوك =الخيل من خيالهـا والنـار مـن شبابهـا

عبدالمجيد العطاوي

تسلم ويسلم من على بدع التحايا وكّلوك =وانته كفو للبدعة اللّي صاحبك غنّا بهـا
وراك ما اخذت الجوايز يوم ربعك رشّحوك =خيّبت ربعك يالمطيري شابّهـا وشيّابهـا

ابو سطا المطيري

ياجملة الاخبار يالي بالخفيـه سربـوك =بين الحيايا الي توش وسمهـا بانيابهـا
السحب آلي ياعميلي والودايع في البنوك =لكن عتيبه مالقينا شي وسـط حسابهـا

عبدالمجيد العطاوي

ياجملة الأخبار ياللي بالزوايـف حرّفـوك =البندق الدقلا يبيّن فـي الهـدف مضرابهـا
حنّا لبسنا ياأحمر العينين تيجـان الملـوك =في الشعر .. وانته كدّتك مالله عطاك أتعابها

ابو سطا المطيري

انا ادري انه بالعلوم العام بعض الناس جوك =ولايستوي ضرب السيوف بدقـة بنصابهـا
ماغير ثوب قد جسمـك ياعميلـي لبسـوك =يوم ان عينك للنجوم ترف سـود اهدابهـا

عبدالمجيد العطاوي

اليا بغيت الحقّ جبته لو تجي دكّاً دكوك =احقوقنا ما طيّرتها الريح مـع هبهابهـا
علّتك ما يوجد دواها لو نصوك وعالجوك =جرح الزمن ما ينفعه علم البشر وأطبابها

ابو سطا المطيري

الي ضووبك ياعميلي في محلك قد نسوك =بالخيمه الي هزها الذاري ومال اطنابها
بعلمك بالسالفه لـو الجماعـه علمـوك =جملتك ماشفنا على قول الرجال اعرابها

عبدالمجيد العطاوي

يابن المطيري لا تشبّك في الكيابل والسلوك =والنار لنّ ولعتها .. في جوفها ترمى بهـا
حنّا نجيلك بالمناقش وانت في البيداء تحوك =ما جيت ادوّر عندك الأخبار وانا ادرا بهـا

ابو سطا المطيري

انته توصي واحد من الي يااخيي درسـوك =والنار لاشبـت نبـي نكويكـم بمشهابهـا
المفترض تاخذ وتعطي حسب مايعقل ياخوك =صر المرض ديس المنيحه لو بغا حلابهـا

ارجوا ان تحوز على رضاكم واستحسانكم ......... ودمتم

آخر تعديل ابن مصلح يوم 13-Mar-2009 في 01:58 PM.