يامنتدى القلطة سلام الله على من شرّفـوك =تسليمةٍ تنثر على اللّي شرّفـوك أطيابهـا
يابو سطا فكّ الغطا والهرج ما حوله شكوك =عطنا علومك والعلوم الطيّبـة لأصحابهـا

يامرحبا ترحيب من اقصى سدير ليا تبوك =تكفي جميع الي لفا والـي كمـاك اولابهـا
ان كان نارك ولعت يالطيب الوضع محبوك =الخيل من خيالهـا والنـار مـن شبابهـا

تسلم ويسلم من على بدع التحايا وكّلوك =وانته كفو للبدعة اللّي صاحبك غنّا بهـا
وراك ما اخذت الجوايز يوم ربعك رشّحوك =خيّبت ربعك يالمطيري شابّهـا وشيّابهـا

ياجملة الاخبار يالي بالخفيـه سربـوك =بين الحيايا الي توش وسمهـا بانيابهـا
السحب آلي ياعميلي والودايع في البنوك =لكن عتيبه مالقينا شي وسـط حسابهـا

ياجملة الأخبار ياللي بالزوايـف حرّفـوك =البندق الدقلا يبيّن فـي الهـدف مضرابهـا
حنّا لبسنا ياأحمر العينين تيجـان الملـوك =في الشعر .. وانته كدّتك مالله عطاك أتعابها

انا ادري انه بالعلوم العام بعض الناس جوك =ولايستوي ضرب السيوف بدقـة بنصابهـا
ماغير ثوب قد جسمـك ياعميلـي لبسـوك =يوم ان عينك للنجوم ترف سـود اهدابهـا

اليا بغيت الحقّ جبته لو تجي دكّاً دكوك =احقوقنا ما طيّرتها الريح مـع هبهابهـا
علّتك ما يوجد دواها لو نصوك وعالجوك =جرح الزمن ما ينفعه علم البشر وأطبابها

الي ضووبك ياعميلي في محلك قد نسوك =بالخيمه الي هزها الذاري ومال اطنابها
بعلمك بالسالفه لـو الجماعـه علمـوك =جملتك ماشفنا على قول الرجال اعرابها

يابن المطيري لا تشبّك في الكيابل والسلوك =والنار لنّ ولعتها .. في جوفها ترمى بهـا
حنّا نجيلك بالمناقش وانت في البيداء تحوك =ما جيت ادوّر عندك الأخبار وانا ادرا بهـا

انته توصي واحد من الي يااخيي درسـوك =والنار لاشبـت نبـي نكويكـم بمشهابهـا
المفترض تاخذ وتعطي حسب مايعقل ياخوك =صر المرض ديس المنيحه لو بغا حلابهـا