-::::قصيدة للشيخ عبدالله بن حميد أبو جبيهه الحلحلي العصيمي رحمه الله::::-

[عبد المحسن الحلحلي]

سيرة شاعر:-

حفظ كتاب الله في مقتبل عمره ، وعرف بالعلم و الورع و الزهد ، أمضى أكثر من ثمانين عاماً في الدعوة
إلى الله ؛ عٌيّن رئيساً للجان إصلاح ذات البين ، حفر قبره قبل وفاته بثمان سنوات وأهتم به حتى وافته المنية
بعد مرضٍ عضالِ ألمّ به عن عمر يناهز مئة وخمسة عشر عاماً في ذي الحجة لعام ألف وأربع مئة
و ثلاثة و عشرين ، وقال هذه القصيدة قبيل وفاته رحمه الله:-

وهي موجودة في شريط صافي الشعر وبإلقاء حفيده الأخ العزيز عايض بن حمد بن عبد الله بن حميد وفقه الله



http://www.sadanajd.com/voices-action-show-id-2041.htm

عند العشي عديت في راس مرقاب=طرى علي الكون يا وش غدى به
يا عارفين الموت ما عنه مجنـاب=كلٍ يجيه الموت حتـى الصحابـة
حتى محمد صفوة الخلق ما غـاب=يستاذنه من عقب ما طـق بابـه
يا الله ياللي تنجي العبـد لا تـاب=تغفر ذنوبه يـوم قـرّب حسابـه
لا شهّدوه وحذّفو عنـه الأسـلاب=وودّوه بيـتٍ عامـرٍ بالخـرابـة
تفرقوا عنه الأحبـة والأصحـاب=وخلوه فـي قبـرٍ تهايـل ترابـه
إن كان في دنياه ما هـو بنشّـاب=عنـده اثنيـنٍ حافظيـنٍ جوابـه
يعرض عليه اللوح يقراه بحسـاب=يشوف كل اللي عمل فـي شبابـه
الموت يجري عقب يجرن الأسباب=ولا يختلف ميعاده اللي نـوى بـه
يا ما قصم من ناقل الكبر نصّـاب=ويا ما قبض من حافظين الكتابـه
ياطى على روس المشاييخ ما هاب=وكلٍ تعـوّد شيختـه فـي ثيابـه
دنياك يا مغرور سمنِ إليا انـذاب=تناوشتهـا جايـعـات الذيـابـة
تناوشوهـا ذاه وارث وطــلاّب=و لا نظّفت ثوبٍ عليـه الجنابـة
يا الله يا مطلوب يا فاتـح البـاب=تجعل لعبـدك دعـوةٍ مستجابـة
اللي رحم ذا النون في غبة الغاب=ربي برج له يـوم طـوّل غيابـه
في بطن حوته يشحذ الرب تـوّاب=حطه على شرع البحر وإعتنى به
قلته وأنا دمعي على الحجر هذّاب=أخاف يوم الهمس وأدرى عذابـه
قيّست في الدنيا و لانـي بكـذاب=مثل السراب اللي قليـل شرابـه

الشيخ عبدالله بن حميد بن هدّاف أبو جبيهه الحلحلي العصيمي رحمه الله تعالى




مودتي


عبدالمحسن الحلحلي

[أبو مرحبا]

[اسال الله ان يتغمده بواسع رحمته نبذه مباركه عن رجل طيب وقصيده رائعه

الله يعطيك العافيه يابن العم ولاهنت على النقل الرائع

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[@ـايل]

رحم الله الشاعر رحمه واسعه وادخله الله الجنه وجميع المسلمين ولاهنت اخوي الحلحلي على تقل القصيده الرائعه والله يعافيك...

التوقيع

تويتر : AlHooL@

[عبد المحسن الحلحلي]

ارحب يا أبو مرحبا يا ابن العم



نور متصفحي بوجودك



ولا هنت على المشاركة

يا ذيب



مودتي


الحلحلي عبدالمحسن

[عبد المحسن الحلحلي]

هايل العتيبي


بيض الله وجهك على هذا المرور الطيب



ولا هنت يا ابن العم



مودتي

الحلحلي عبدالمحسن

[محمد العتيبي]

قصيده أشهر من نار على علم ..

تحمل من الحكمه والموعظه الحسنه ..

رحم الله الشيخ عبدالله ابوجبيهه ..رحمة واسعه وجعل قبره

روضة من رياض الجنه ..

الله لايهينك على القصيده الرائعه ..

تحيتي
...

التوقيع

للتواصل عبر twitter تويتر al_bargawy@

[عتيبي وفتخر]

الله يعطيك العافيه يابن العم ولاهنت على النقل الرائع

الله يرحم الشاعر ويدخله الجنه وموتي المسلمين جميع