ابوفايح مطلووووب للاهمية؟

[الكنق]

السلام عليكم ورحمة الله وبركاته

اخي ابوفايح ولا عليك امر نبي تحليل هذه المحاوره

قل .......تم

سفر الدغيلبي



سلام الله على اسم تعتزيبه عزوة المطران
ليا ذكر الدويش ابدت مطير السمع والطاعة


تشرفنا وزادتنا تشـرف دعـوة الدوشـان
حمانا الله ونجانا مـن الشيطـان واتباعـه




تركي 2000



هلا يامرحبا وانته وانا في ساحة الميدان
وهذي ساعة ياصاحبي تسوى مية ساعة


كتبت لك الرساله والرساله تحمل العنوان
تمعن بالحروف ولاتجي في قلبك الراعه




سفر الدغيلبي



نبي نجرد سيوف المعركه بسم الله الرحمن
سيوف للحـم والعظـم قطاعـه وبتاعـه


كتبت اسمك وعنوانـك علـى الشرطـان
شراطيـنً تـروج بيـن شرايـه وبياعـه



تركي 2000



الى منك صملت ابشر بنارٍ مالها دخـان
لوني مانصحك بالحرب لو النفس طماعه


يابن برقا على هونك وقدمها على البرهان
ترا ماكل رجالا يجيب الكسـب بذراعـه



سفر الدغيلبي



ثلاث شهور وانته غايبٍ عن شبت النيران
لكن اجمع حطب نارك وولعهـا بولاعـه


اشوفك تلتفت لفلان ذاك وتلتفـت لفـلان
حصان مطير مدري وين مصيافه ومرباعه




تركي 2000



ثلاث اشهور احد القوم وانت تطرد الضبان
وضبٍ تمسك يدينه وضب تسحب كراعـه


اشوفك تشتكي وتقول انا جايع واناضميـان
واخاف انك تحول في قليب(ن) مالها قاعه




سفر الدغيلبي



اصيد الضب واللي يشبهه من ساير العربان
ياتركي دام هذي حجتك يا ضيعت الضاعه


اذا جيت اشتكي لك لاتسميني من العتبـان
وانا الي في يدي الخير باشكاله وبنواعـه



تركي 2000



الايطير كيف تطير وانت مكسر الجنحـان
يبا يقشعك ابو مقشاع ويصيـدك بمقشاعـه


تقوله يالعتيبي وانـت لارابـح ولاكسبـان
سوات الزورق الي بالبحر يومي به شراعه



سفر الدغيلبي



تكلم بالكلام الي يناسـب ياولـد ميـزان
حناجيرك وراها للعلـوم العـوج بلاعـه


الاياراعي الدكـان شكـرا قفـل الدكـان
تراني تاجر(ن) ماني براضي بايت بضاعه



تركي 2000



احدك للكلام الزين وانت تصدم الجـدران


سوات الورع مايسكت يالين اعطيه رضاعه

[ابو فايح]

اخي الكنق اريد منك ان تعلم ويعلم غيرك ان بعض المحاورات لا احد يستطيع ان يحللها حتى اكبر الشعراء .

واريد منك ان تعلم انت وغيرك ان معرفة تاريخ المحاوره ضروري جدا لفهم معناها .

سأبدي وجهة نظري رغم ان تاريخ المحاوره غير معلوم لدي وهو امر ضروري

اول من بدأ المعنى هو تركي
حين قال
كتبت لك الرساله والرساله تحمل العنوان**تمعن بالحروف ولاتجي في قلبك الراعه


وهنا اعتقد وربما اكون مخطئ انه يقصد بالرساله الدعوه للحفل اي نريدك ياسفر ان تنضم معنا في مكتب الجنادريه

سفر
كتبت اسمك وعنوانـك علـى الشرطـان**شراطيـنً تـروج بيـن شرايـه وبياعـه

وهنا سفر يرد واعتقد انه ناقد على المكتب وانه يحاول ان يعمل دعايه لتركي

تركي :
يابن برقا على هونك وقدمها على البرهان**ترا ماكل رجالا يجيب الكسـب بذراعـه

هنا تركي يقول هات دليلك ان المكتب يدعمني

ومن هذا البيت انتقلت المحاوره من وجهة نظري لمعنى اخر اعتقد انه ايام شاعر المليون

ثلاث شهور وانته غايبٍ عن شبت النيران**لكن اجمع حطب نارك وولعهـا بولاعـه

اشوفك تلتفت لفلان ذاك وتلتفـت لفـلان**حصان مطير مدري وين مصيافه ومرباعه

اي تستفزع بفلان وفلان من شان التصويت

وهنا اعتقد ان سفر لايريد ان يستمر الطاروق

تكلم بالكلام الي يناسـب ياولـد ميـزان**حناجيرك وراها للعلـوم العـوج بلاعـه


الاياراعي الدكـان شكـرا قفـل الدكـان**تراني تاجر(ن) ماني براضي بايت بضاعه

.

[الكنق]

ابوفايح الله لايهينك وبيض الله وجهك


الحفله فعلا كانت ايام شاعر المليون بس بالظبط لا اعلم

وكانت في المقصوره فالرياض عند امطير وكان الدويش متواجد

والشعراء مستورالعصيمي وزيدالعضيله وسفرالدغيلبي وتركي الميزاني


تحيااااااااااااتي وتقديري

[وحي العقل]

,


الووووووو الوووو
عطني الكنق :

المحاورة مافيها معنى مجرد كلام مصفوف ولااعرف بالظبط
ويش اللي مافهمته , انا هنا لاانتقد
الشاعرين ولكن هذا حال محاورات اليوم , المعنى راح مع مطلق
وشباب مستور


عطني ابوفايح :

انت بعض الاحيان عليك شحطات ياصديقي
كتبت اسمك وعنوانـك علـى الشرطـان
شراطيـنً تـروج بيـن شرايـه وبياعـه
انا بعرف وش دخل المكتب ودعمه ؟؟
يقصد الديوان الصوتي للالفين ( أسمي وعنواني )




أخيراً أليكم نموذج من محاورات المعنى التي تستحق السؤال
عنها ,,,


عبدالله الـمسعـودي

ماني باجيب الفصاحه غيـر عنـد الفصيـح
امشـي مـع النـاس واعطيهـا قوانينـهـا
ام الصفا والصفيح اللـي مـن اول تصيـح
راحت على مـوت ابوهـا حنـت ايدينهـا



مطلق الثبيتي

بعـض المعانـي تعنينـي وانـا مستريـح
وام المـوازيـن لاتصـغـي موازينـهـا
قلـب بنعمـه وقلـب مـن زمانـه جريـح
قبـل امـس تقسـي وهـذا اليـوم يالينهـا



عبدالله

انا علـى مرقـب عالـي بديـت استضيـح
وان ام عامـر تهـز انـصـاب سكينـهـا
الهجرة اللـي يامطلـق جـات تنقـح نقيـح
ايعيـش نمرودهـا ويـمـوت مسكينـهـا




مطلق

يازنـد ياللـي علـى الايـام تقـدح قديـح
ليـالـك الـسـود ماتـرقـد شياطينـهـا
اشوف لي شيخ فـي نعسـه وكفـه شحيـح
حتـى الاوادم مشـارك فــي دكاكينـهـا



عبدالله

اشوف قربة عقيـد القـوم تنضـح نضيـح
والثـوب الابيـض تفـرق بينـه وبينـهـا
ابليس لـو جرهـا يمكـن عراهـا يطيـح
وابليس شريـان مـن ماهـا ومـن طينهـا




مطلق

النار من تحـت قـدرك مـار عيـا يفيـح
خـلا العـرب للعشـا تدنـي مواعينـهـا
يقلون بـاب يجـي ياصاحبـي منـه ريـح
سـده وتسلـم مـن الدنيـا ومـن دينـهـا





عبدالله

ولـد الهـوى يـوم غنـى لام خـد مليـح
ما احد يلومـه وهـو مفتـون فـي زينهـا
الذيـب ماهـو عشـا لام اللبـن والتلـيـح
ان شافت الذيب الاشهـب دنهـرت عينهـا





مطلق

ولد الهـو مبتلـش فـام الصفـا والصفيـح
الـلـي لياشافـتـه رفــت كراعينـهـا
ام الكباير علـى الاجـواد تضبـح ضبيـح
والسوس من ظهرهـا واصـل ضلاعينهـا





عبدالله

قمريـة الفـن الاخضـر ملحهـا مايميـح
الحـب فـي حلقهـا ماياصـل ابطينـهـا
ان كان ابا امدحك ماينفعـك كثـر المديـح
ان كـان ماجـبـت للقـصـه براهينـهـا

[ابو فايح]

هلا بك يا صديقي الغالي انا قلت من اول شي انا لا اعرف تاريخ المحاوره وهل هي قبل سنه ,سنتين , عشر يعني من الصعوبه اني اجزم انه ديوانه انا خمنت تخمين انه المكتب وشاعر المليون لان تركي بدا المعنى ويقول الرساله ؟؟ ماهي الرساله التي تتوقعها ؟؟.

[ابو فيصل الحربي]

كفو كفو كفو كفو كفو كفو
وبيض الله وجيهكم وفعلا كلام اخوي الغالي ابو فايح هو الصحيح لاني شاري شريطها وفاهم المعنى كلها وكل اللي قال صادق فيه

ولا يهون اخوي الكنق

[الكنق]

وحي العقل

انا ماقلت مافهمت ولاكن ابي اشوف اخي ابوفايح

يوافقني على مافهمته واتضح ذلك

ولاكن افضل مافي المحاوره كلها

هي هذه البيتين: من سفر وهي البدايه

سلام الله على اسم تعتزيبه عزوة المطران
ليا ذكر الدويش ابدت مطير السمع والطاعة


تشرفنا وزادتنا تشـرف دعـوة الدوشـان
حمانا الله ونجانا مـن الشيطـان واتباعـه


تمريره قووووووووويه من سفر

ولاجااااااااب لها خبر الالفين........

واخيرآ اشكر كل من اطلع على الموضوع

[لافيزي]

وحي العقـــل أنا أشهد أن تحليلك منطقي جدآ وينطبق على

جميع البيوت اللي قالها الشاعريــن


يقول حبيب في محاورة له مع سلطان الهاجري

الدور مع مطلق ومع مستــور ولا أنت دورك ويش اسويبه


يقصد الشعر الحقيقـــــي