والله احبه حب ( مطلق لمستور )

[((الدلبحي))]

هذي قصيدة للشاعر / سلطان بن وسام الهاجري

اللاش لامن صد جعله ابدعثور
لاناشد عنه ولاهوب غالي
الغالي اللي صار له عدة شهور
مدري جنوب الدار والا شمالي
اليا جفاني واعتذر قلت معذور
افرح اليا شفته وينساح بالي
والله احبه حب ( مطلق لمستور )
واقدره قدر الرفيق الموالي
من منكبي الأيمن الى مشة الزور
قدره ومقداره من أول وتالي
( ابو حمد ) لاعسم الراي والشور
لا طاح حظ امعثرين العيالي
يطري علي والهم طابور طابور
وينزاح عن عيني سواد الليالي
مايلحقه في رفقتي شك وغرور
افخر ويفخر بي اليا جاء مجالي
والا المهجن رفقته مالها دور
رفيق حال وحال يا هملالي
ياخذ معك مشوار ويلف ويدور
ويختار عن درب اليمين الشمالي
سملق ماعنده احساس وشعور
ماغير قال فلان وفلان قالي
لكن حمل الثور في غارب الثور
ما يستعيب العيب كود الرجالي
لا تاكل الحرجه ولا تشهد الزور
وفعولها تستر بنات الحلالي

وسلامتكم

[عبد الله الحليفي]

والله ماقصرت يالدلبحي

وبيض الله وجهك

على جهودك المبذوله

في تقديم الجميل والجيد

[((الدلبحي))]

عبد الله الحليفي

وجهك ابيض ومن مايسعدني ان ينال اعجابك واعجاب الاعضاء مااقوم بطرحه

تحيااااااااااااااااتي

[الفراهيدي]

صح لسانك يالدلبحي...

وصح لسان الشاعر سلطان بن وسام الهاجري..

وبيض الله وجهك..

التوقيع

AL-frahedi@hotmail.com

[مدركة]

صح لســـــــانك وصـــح لســــان الشاعر سلطــــــــان الهــــاجري

[داهية عتيبة]

مناحي

صح لســـــــانك وصـــح لســــان الشاعر سلطــــــــان الهــــاجري

[((الدلبحي))]

الفراهيدي

صح بدنك والله يسلمك على المرور الكريم

تحياااااااااااااااااااتي

[((الدلبحي))]

مدركة

هلا وغلا نورات الصفحه

تحيااااااااااااااتي

[عيدالعتيبي]

شكرا يا الدلبحي

على هالقصيده وصح لسانك ولايهون ابووسام
كما اشكرك يادلبحي على(العنوان الجذاب جدا)



كثرالله من امثالك
اخوك/عيدالعتيبي

[((الدلبحي))]

عيدالعتيبي

لاهنت ولاشكر على واجب

يعطيك العافيه والعوان حبيت احطه في العنوان لجذب الاعضاء

تحيااااااااااااااااااتي