الهيـــــــــــــلا *** منتدى قبيلة عتيبة - والله احبه حب ( مطلق لمستور )

- الشعر الشعبي (http://www.otaibah.net/m/forumdisplay.php?f=9)

- - والله احبه حب ( مطلق لمستور ) (http://www.otaibah.net/m/showthread.php?t=12656)

والله احبه حب ( مطلق لمستور )

هذي قصيدة للشاعر / سلطان بن وسام الهاجري

اللاش لامن صد جعله ابدعثور
لاناشد عنه ولاهوب غالي
الغالي اللي صار له عدة شهور
مدري جنوب الدار والا شمالي
اليا جفاني واعتذر قلت معذور
افرح اليا شفته وينساح بالي
والله احبه حب ( مطلق لمستور )
واقدره قدر الرفيق الموالي
من منكبي الأيمن الى مشة الزور
قدره ومقداره من أول وتالي
( ابو حمد ) لاعسم الراي والشور
لا طاح حظ امعثرين العيالي
يطري علي والهم طابور طابور
وينزاح عن عيني سواد الليالي
مايلحقه في رفقتي شك وغرور
افخر ويفخر بي اليا جاء مجالي
والا المهجن رفقته مالها دور
رفيق حال وحال يا هملالي
ياخذ معك مشوار ويلف ويدور
ويختار عن درب اليمين الشمالي
سملق ماعنده احساس وشعور
ماغير قال فلان وفلان قالي
لكن حمل الثور في غارب الثور
ما يستعيب العيب كود الرجالي
لا تاكل الحرجه ولا تشهد الزور
وفعولها تستر بنات الحلالي

وسلامتكم

والله ماقصرت يالدلبحي

وبيض الله وجهك

على جهودك المبذوله

في تقديم الجميل والجيد

عبد الله الحليفي

وجهك ابيض ومن مايسعدني ان ينال اعجابك واعجاب الاعضاء مااقوم بطرحه

تحيااااااااااااااااتي

صح لسانك يالدلبحي...

وصح لسان الشاعر سلطان بن وسام الهاجري..

وبيض الله وجهك..

صح لســـــــانك وصـــح لســــان الشاعر سلطــــــــان الهــــاجري

مناحي

صح لســـــــانك وصـــح لســــان الشاعر سلطــــــــان الهــــاجري

الفراهيدي

صح بدنك والله يسلمك على المرور الكريم

تحياااااااااااااااااااتي

مدركة

هلا وغلا نورات الصفحه

تحيااااااااااااااتي

حب مطلق لمستور

شكرا يا الدلبحي

على هالقصيده وصح لسانك ولايهون ابووسام
كما اشكرك يادلبحي على(العنوان الجذاب جدا)

كثرالله من امثالك
اخوك/عيدالعتيبي

عيدالعتيبي

لاهنت ولاشكر على واجب

يعطيك العافيه والعوان حبيت احطه في العنوان لجذب الاعضاء

تحيااااااااااااااااااتي